MERKEZÊ XEBERAN - Îdarekarîyê Keyeyê Şarî yê Lozanî ke wayîrê tarîxê 100 serrî yo, girêdayeyê qerarê ke serra 2024ine de ameyî girewtiş, do nameyê hîrê cinîyê ke ameyî qetilkerdiş yan zî serkêşîya têkoşînê cinîyan kerdê, hîrê eywanê sazgehê tarîxî bikerê.

 

Nameyê Jîna Emînî ke serra 2022ine de hetê hêzê Îranî ra Tehran de ameye qetilkerdiş do eywana konferansê Keyeyê Şarî de bêro kerdiş.

 

Eynî wextî de her di eywananê bînan de zî nameyê pawitoxe, siyasetmedare û komelnase Brezîlî Marielle Franco ke serra 2018ine de ameye qetilkerdiş û nameyê pawitox û sendîkawanî û endama Grevê Cinîyan ê Swîsreyî yê serra 1991ine de Liliane Valceschiniyiyê ame kerdiş.

 

Qiseykerdişê akerdişî yê eywane hetê Endama Meclîsê Lozanî û Hemsereka Meclîsê Partîya Yewîya Çepgiran Sevgî Koyûncû ra ame kerdiş. Sevgî Koyûncû ya Endama Meclîsê Cinîyan a Lajînî ya Lozanî, qiseykerdişê xo de bale ant serewedaritişê ‘Jin Jiyan Azadî’’ yê badê qetilkerdişê Jîna Emînî dest pêkerdî û bandorê ci yê Îran û seranserî dinya ser o.

 

Sevgî Koyûncû tewr peyîn qiseykerdişê xo de têkoşînê aktîvîstê kurdî Werîşe Mûradî û Pexşan Ezîzî ke rejîmê Îranî cezaya dardekerdişî înan birnabî û Soma Pur Muhammedî ke semedê dayîşê dersê kurdî des serrî cezaya zîndanî ci rê birnayî, silam kerdî û qiseykerdişê xo bi vatişê ‘’Jin Jiyan Azadî’’ peynî kerd.