MERKEZÊ XEBERAN - Dayîkê Şervanê YBŞ’yî ke 18ê adare de netîceya kemînê artêşa Iraqî de bi birîndarî amebî girewtiş, verê merkezê Îstîxbaratî yê Şengalî de çalakîya nobete dest pêkerdî.

 

18ê adare de, demê şervanê YBŞ’yî serê wezîfeyê xo yê pawitişî bîyî, merkezê Şengalî kewtî kemînê hêzê artêşa Iraqî.

 

Netîce de pêrodayîş vejîya û 5 endamê YBŞ’yî bi birîndarî kewtî destê artêşa Iraqî.

 

Rixmê çalakî, vengdayîşê hetê siyasî, komelî, dîndar û serekeşîrê Şengalî, la heta nika endamê YBŞ’yî nêameyî veradayîş.

 

Semedê aqûbetê tutanê xo bizanê, dayîkê şervanan verê merkezê Îstîxbaratê Iraqî yê Şengalî de çalakîya roniştişî dayî destpêkerdiş.

 

Dayîkan çalakîya xo de posterê ‘Ma tu wext zilmê hukmatî serê xo de qebûl nêkenê. Heta tutê ma nînê veradayîş, ma dest çalakîya xo ra vera nêdanê’ nuştibî wedarnayî.