Melîke Aydin

 

MUGLA - Zuhal Macît bale ant serê vengdayîşê seserre yê Rayberê Şarê Kurdî Abdullah Ocalanî û adirbesto ke PKK’yî îlan kerdo û va, semedo ke no proses biaçaryo aştîye, ganî cinî rolê xo kay bikerê.

 

Meclîsê Cinîyan ê Partîya Têduştî û Demokrasî (DEM Partî) ya Muglayî ra Zuhal Macît derheqê prosesî de qisey kerd û va, aştî bêcinî nêbena û ganî cinî derheqê prosesî de gaman bierzê.

 

Zuhal Macît da zanayîş ke Abdullah Ocalan vengdayîşê aştîye kerdo û hêvîyêke pîl pêro dinya de awan kerdo û va: “Netîceya averşîyayîşê ke ameyê ciwîyayîş de bi zelalî ameyo fêmkerdiş ke muxatabê Îmrali. Semedê na babete muxatabî bî. No zelal ame famkerdiş.”

 

Komel persê ‘aştîyêke senî’ perseno

 

Zuhal Macît dîyar kerd ke PKK bi adirbestî cewab da vengdayîş û komel zî persê "aştîyêke senî" û wina va: “Semedê muxatab dewleta Tirkîye ya. Do gamêke senî bierzo? Devlet Bahçelî va, wa 4ê gulane de Melezgîrtê Mûşî de kom bibê. Roja Tirkbîyayîşê Dinya de. Melezgîrt manaya ci est o. Her kes zano ke no wina nêşino. Eke na kongre kom biba, ganî asayîşê ci yê qanûnî bibê. Ganî gamê huqûqî bêrê eştiş. Bi hezaran partî, hemserekê ma nika tepişte yê û teberê welatî de yê. Heça şerêk dewam keno est o.”

 

‘Dewlete fek planê vînîkerdişî ra vera nêda’

 

Zuhal Macît wina dewam kerd: “Nêwazenê kanalê sîyasetê demokratîkî yê kurdan abikerê. No pers yeno hişê merdiman, wazenê kurdî sere bitewênê û zorê kurdan berê. Dewleta temsîlkarîya têduştî û ziwanê bi dayîke nêwazena. Her ke kurdî vajê aştî, ê vanê şer û planê vînîkerdişî ca anê. Ganî proses lezkî açaryo aştîye. Problemê komelan hemkar o. Dewlete ameyîşê hetan asteng kena.”

 

‘Planê vînîkerdişî cinîyan ser o’

 

Zuhal Macît tewr peyîn wina va: “Şer tena bi pêrodayîşan nê, bi polîtîkayê şerê taybetî zî dewam keno. Planê vînîkerdişî tewr zêde tesîr cinîyan ser o keno.  Semedê vistişê cinîyan yeno kerdiş. Cinî wazenê aştîye bîyarê komelî û metodî nêvînayê. Ganî cinî wayîrê prosesê aştîye vejîyê. Cinî mecbûr ê serkêşîya prosesî bikerê. Vernîya ke cinî erey bimanê ganî rolê xo kay bikerê û nê prosesî de aktîf bê.”