MERKEZÊ XEBERAN - Anqara û Stenbolî de sereştişê keyan de rojnamegerî zî mîyan de, xeylêk kesî ameyî destbendkerdiş.

 

Stenbol û Anqara de ewro zî erzîya xeylêk adresan ser. Sereştişê keyeyan ê Stenbolî de muxabîra Ajansê Xeberan a Etkînî (ETHA) Elîf Baybûrt û mûxabîra Rojnameyê Evrenselî Nîsa Sûde Demîrel destbend bîy. 

 

Rojnamegeran berdî Mudûrîyê Emnîyetî yê bajarî. Her di rojnamegeran zî çalakîya protestoyî ya hemverê cipersayîşê derheqê Şaredarîya Bajarê Pîlî ya Stenbolî, taqîb kerdêne.

 

Sewbîna Anqara de zî erzîya xeylêk keyeyan ser. Ame zanayîş ke sereştişê keyeyan de wendekarî zî mîyan de xeylêk kesî ameyî destbendkerdiş.