MERKEZÊ XEBERAN - Qirkerdişê Garî yê 10ê teşrîna verêne 2015ine ke Anqara de ame kerdiş, 109 kesî dinyaya xo bedelnayî û 500 ra zêdeyêr kesî birîndar bîyî. Cigêrayîşê edaletî yê keyeyan dewam keno.

 

10ê teşrîna verêne 2015ine de hêrişê bombayî yê DAIŞî ke hemverê mîtîngê Garê Anqarayî de ame kerdiş, xeylêk kesî dinyaya xo bedelnayî û no qirkerdiş yew qirkerdişê tewt pîl yê Tirkîya derbazê tarîxî bî.

 

10ê teşrîna verêne 2015ine de Garê Anqarayî de ‘Mîtingê Kede, Aştî û Demokrasî’ ê bi sloganê "Hemverê şerî nika aştî" ame organîzekerdiş. Netîceya hêrişê DAÎŞî yê hemverê bi hezaran kesî de cinî zî mîyan de 103 kesî dinyaya xo bedelnayî.

 

Vernîya hêrişî girse bi kortejan dest bi rayîrşîyayîş kerd û ame meydan. Mîyanê kortejan de pê dima teqayîşî virazîyayî. Kaos vejîya û xeylêk kesî dinyaya xo bedelnaye û bi seyan kesî birîndar bîyî. 

 

Dimayê teqîyayîşî, polîsan hêrişê girseyo ke hetkarî  dayîne birîndaran kerd. No çî bi sebebê reaksîyonan. Erey mudaxalekerdişê tibî, bî sebebê vînîbîyayîşê can û no bî sebebê hêrsêk pîl. Dimayê hêrişî seranserê Tirkîya de hemverê îqtîdarî protesto virazîyayî.

 

Cipersayîş û çîyê ke nêvînaye ameyî vînayîş

 

Hêriş de 109 kesî dinyaya xo bedelnayî, xeylê xo cinî bî. Dimayê qirkerdişî cipersayîş ame akerdiş, vejîya werte ke hetê tedbîran de qelsîyê pîlî est ê. Serdozgerîya komare ya Anqarayî hemverê kesê hêriş kerdî de cipersayîşê hîra dayî destpêkerdiş. La xeylê kesî demêk derg fîrarî mendî.

 

Prosesê huqûqî û cigêrayîşê edaletî

 

Dimayê qirkerdişî prosesê huqûqî ame destpêkerdiş, bi têkoşînê kesê ke dinyaya xo bedelnayê û birîndar bîyî derbaz bî. Ame dîyarkerdiş ke qirkerdiş hetê di bombayê ganî yê girêdayeyê DAIŞî ra ameyê kerdiş. Yew şikdar zî Yunus Emre Alagoz ame dîyarkerdiş. Cipersayîşo ke ame destpêkerdiş de îhmalkarîyê dewlete û yewîneyê asayîşî ame rojeve.

 

Prosesê hukmî

 

Endamanê DAIŞî rê dewa ameye akerdiş. La prosesê dewa de xeylêk alozî ame ciwîyayîş. Hîn şikdarê esasî fîrarî bî û hîn zî nêameyî cezakerdiş. No rayîr ver bi reaksîyonê keyeyan akerd.

 

Têkoşînê keyeyan

 

Dimayê qirkerdişî, keyeyan binê nameyê ‘Komeleya Paştdayîşî û Aştîye ya 10ê Teşrîna Verêne de ameyî têhet û têkoşînê edaletî kerdî. Hetê komelî ra zî paştdayîşêk pîl dîyî.