STENBOL - Cinîyan seba mîtîngê 13yê Teşrîna Verêne Amed de yeno kerdiş, venga tewrbîyayîşê pêro kesan kerdî û vatî: “Pêro kesê ke binê tecrîdî de yê û xo binê tecrîdî de hîs kenê ganî uca de bê.”

 

Amadekarîyê seba mîtîngî 13ê Teşrîna Verêne Amed de pê bêro dewam kenê. Çarçewaya kampanyaya "Abdullah Ocalanî re azadî meseleya kurdî rê çareserîya demokratîke" de bi sloganê "Ma hemverê komployî xo ver danê, seba azadîye Amed de yenê têhet" do 13yê teşrîna verêne Amed de mîtîngê azadîye pê bîyarê. Marmara de pêro bajaran de xebatî yenê kerdiş. Yew bajaro ke do tewrbîyayîş zaf zêde bo Stenbol o. 

 

‘Ganî her kes uca de bo’

 

Nedret Kalkan: Mîtîngê 13yê Teşrîna Verêne ya Amedî seba serekî yo. Seba azadîya eyî yo. Ma wazenê pêro cinî tewr bibê. Ganî pêro cinî seba serekî a roje uca de bê.  Ganî ma wayîr vejîyê. Ganî ciwanî û her kes Amed de bêrê têhet. Ganî ma vengê xo tecrîd rê berz bikerê. 

 

‘Ma zîndanan azad bikerê’

 

Nebîhe Aydogan: Ma seba hevalanê xo yê tepişte mîtîngê Amedî de bêrê têhet. Ma tewrbîyayîşêk xurt pê bîyarê. Ganî her merkez û qeza ra kesî tewr bibê. Ganî tewrbîyayîş xurt bo. No mîtîng seba şaran muhîm o. No mîtîng do bibo çimeyê moral û motîvasyonî. Ganî ma bibê yew qelb û a roje wareyan de bê. Zîndanan azad bikerê.

 

‘Dem demê yewîye yo’ 

 

Îdarekara DEM Partîya Kartalî Nebahat Çandar: Ma do vera tecrîdî hemverê binpaykerdişê heqan yê zîndanan de Amed de bêrê têhet. Ma Stenbol de xebatêke xurt kenê. Ganî ma pêro a roje Amed de bê. Ez venga tewrbîyayîşê pêro şarê ma kena. Seba ke ma pêro binê tecrîdî de yê. Dem demê yewîye yo. 

 

Seba Abdullah Ocalanî azadî!

 

Nadîle Durmaz: Yewin armancê ma peynîbîyayîşê tecrîdî yo û azadiya Abdullah Ocalanî yo. Ganî ma bibê yew û têkoşîn bikerê. Ganî her kes tewrê mîtîngî bibo. Ganî ma bibê yew û tewrê mîtîngî bibê. Seba peynîbîyayîşê tecrîdî ganî ma bi hawayêkê xurt tewr bibê.

 

12ê Teşrîna Verêne de do wesayîtî Stenbolî ra wurzê

 

Zohre Eroglu: Ez pêro kesî dawetê mîtîngê Amedî kena. Ma bi hawayêkê xurt tewrê mîtîngî bibê. Ma wayîrê ci vejîyê. Ez venga cinî û ciwanan kena. Wesayît 12yê teşrîna verêne Stenbol de wurzo. Pêro qezayan ra wurzenê. Ma bi hawayêk xurt tewr bibê.