Mîdye Miqted

 

HELEB - Berpirsîyarîya Ofîsa Têkilîyê Dîplomasî yê Meclîsê Cinîyan ê Sûrîye Eyşe Hiso derheqê panelo ke hetê cinîyan ra Heleb de ame organîzekerdiş ser o qisey kerd û vat: "Do xebatê bi nê rengî, panelê bi nê hawayî yenê viraştiş, do bibê bingehê yewîya pêro cinîyanê Sûrîye. Seba azadîya pêro cinîyan ganî ma her tim panel, semîner, rayîrşîyayîş û çalakîyê cîya de bêrê têhet."

 

Berpirsîyarîya Ofîsa Têkilîyê Dîplomasî yê Meclîsê Cinîyan ê Sûrîye Eyşe Hiso derheqê babete de ercnayîş kerd.

 

'Ewnîyayîş û munaqeşeyê dewlemendî kewenê werte'

 

Berpirsîyara Ofîsa Têkilîyê Dîplomasî yê Meclîsê Cinîyan ê Sûrîye Eyşa Hiso da zanayîş ke panelê winasî seba çareserî zaf muhîm ê û wina vat: "Wexto ke bajarê Helebî de komxebatêk ke binê sîwanê ci de cinî xeylêk bajaran ra beşdar benê,  rengê ci yê beşdarbîyayîşî hem dejê cinîyanê Sûrîye û hem zî têkoşînê înan mojneno. Nê dir rayîrêk newe, çareyêk guncav rayîr akeno. Nê panelî de pêro tewir kiryarê ke derheqê cinîyan de pêro Sûrîye de yeno kerdiş, ame munaqeşekerdiş. Tena derheqê kerdişê ke cinîyan ser o yeno kerdiş labelê rayîrê çareserî çara dest pêkenê, bi ê munaqeşe û ewnîyayîşê dewlemendî vejîyayî werte. Cinî nê panelî de hemverê şîdetî vejîyayî."

 

'Panelê ke yenê organîzekerdiş do bibê bingehê yewîya cinîyan' 

 

Tewr peyîn qiseykerdişê xo de Eyşe wina vat: "Sey netîcenameyêk peynî ke na xebate de vejîya o bî ke ma do gamê senîn ameyox de bierzê ke ma bieşkê komxebata xo bikerê û ca bîyarê. Sewbîna ame qetîkerdiş ke binê sîwanê Meclisê Cinîyanê Sûrîye de do bieşkê nê barî wedarnê û bibê sebebê çareserkerdişê alozîyê bîyaye. Ame vatiş ke do xebatê bi nê rengî, panelê bi no hawayî yenê organîzekerdiş, bibê bingeha yewîya pêro cinîyanê Sûrîye. Seba azadîya pêro cinîyan ganî ma her tim panel, semîner, rayîrşîyayîş û çalakîyê cîya de bêrê têhet. "