Mîdye Miqted

 

HELEB - Koordînasyona Meclîsê Cinîyan ê Sûrîye ya Pêroyî Gulan Silêman derheqê kerdişê ke herême de kewtê binê kontrolê dewleta tirkan û komê girêdayeyê aye wina vat: "Netîceya dewamkerdişî kerdişê ke derheqê cinî bi taybetî herêmê îşxalkere yenê dewamkerdiş ma çalakîyan organîze kenê. Waştişê ma oyo ke ma panelê xo yê ke organîze kenê, pêro cinîyanê Sûrîye dir pare bikerê."

 

Hêrişê dewleta tirkan ê hemverê cinîyan û şarê kurdî de dewam kenê. Bi taybetî zî herêmê ke kewtê binê kontrolê dewleta tirkan û komê girêdayeyê aye cinî yenê remnayîş, tecawizkerdiş û îşkence înan rê yeno kerdiş. Koordînasyonê Meclisê Cinîyan ê Sûrîye ya Pêroyî Gulan Silêman derheqê kerdişê ke herêmê kewtê binê kontrolê dewleta tirkan û komê girêdayeyê ci ercnayîş kerd. 

 

'Yê ke tewr zêde mîyanê nê alozî de zirar dîyî cinî bî' 

 

Koordînasyona Meclîsê Cinîyan ê Sûrîye ya Pêroyî Gulan Silêman dîyar kerd yê ke tewr zêde mîyanê nê alozî de zirar dîyî cinî bî û wina vat: "Netîceya dewamkerdişê kerdişê ke derheqê cinî bi taybetî herêmê îşxalkerde yenê dewamkerdiş, ma çalakîyan organîze kenê. Waştişê ma oyo ke ma panelê xo yê organîze kenê, pêro cinîyanê Sûrîye dir pare bikerê. Xora nê kerdişê dewamî destpêkê alozîya Sûrîye dest pêkerd. Xeylêk cinî ameyî tecawizkerdiş, kiştiş û remnayîş. Bi pêroyî tewr zêde mîyanê nê alozî de zirar dîyî cinî bî û bi no hawa seba vetişê rastîyê ke nê alozî xo dir ardî, ma pêro cinîyan binê sîwanê Meclîsê Cinîya Sûrîye de kom kerd û no problem pîya pare kerd."

 

'Bi azadbîyayîşê cinî û camêrdan do komelêk hembeş awan bibo'

 

Gulane dewam de wina vat: "Semedo ke ma bi israr ê ke wayîrê cinîyan vejênê, her cinîyêke ke ça bena wa bibo eke nêheqî înan rê bêro kerdiş, o wext ma berpirsîyar ê coka ganî ma tewr zêde sewîyeya zanebîyayîşê cinî berz bikerê. Labelê ganî ma camêrdan zî perwerde bikerê, semedo ke bi azadbîyayîşê cinî û camêrdan do komelêk hembeş awan bibo."

 

'Ma do bendê çareserî awan bikerê'

 

Gulane tewr peyîn wina vat: "Bi qasê lazimîya ma est o ke ewro cinî mîyanê komelî de bibê wayîrê qerarî la ganî cinî wareyê sîyasî de zî cayê xo bigîrê û bibê wayîrê qerarê ke ganî vejîyê vernî û bibê wayîrê vatişê xo. Xeylê bajaran ra cinî ameyî û amede bîyî, coka rengêk newe vetî û goreyê eşkerayî vatî ê  do komîteyê xo awan bikerê û bendê ke ser de ameyî munaqeşekerdiş, ca bîyarê û pêro cinîyanê Sûrîye dir pare bikerê. Ma do pîya bendê çareserî awan bikerê.”