Gulîstan Gulmuş

 

AMED - Menfîye Can dîyar kerd ke emrê şuxilnayîşê tîryakî roj bi roje keweno û dewlete hemverê şuxilnayîşê tîryakî tu çîyêk nêkena. Menfîye wina vat: “Dewlete vînena la çîyêk nêkena. Wexto ke biwazo ceza birnena, wexto ke nêwazo çîyêk zî nêkena.”

 

Yew cayê ke polîtîkayê şerê taybetî komelî hedef gêno, Amed o. Amed de şuxilnayîş û rotişê tîryakî zêde bîyo. Xeylêk cayê cîya yê bajarî de no problem est o û hîn taxan de no zêde yeno vînayîş. Taxa Kaynartepe ya Rezanî ya Amedî de şuxilnayîşê tîryakî zaf zêde yeno vînayîş.

 

Menfîye Can ke taxa Kaynartepeyî de ciwîyena,  dîyar kena ke lajê aye seba şuxilnayîşê tîryakî û rotişî ameyo tepiştiş. Menfîye derheqê zêdebîyayîşê şuxilnayîşê tîryakî yê Amedî de qisey kerd.

 

‘Ganî tîryakî bêro çinkerdiş’

 

Menfîye dîyar kerd lajê aye cuyêka normal ciwîyayîne, demo ke tîryakî şuxilnayo, cuya ey serûbin bîya û wina vat: “Lajê mi zewicnayebî, keyeyê ey est bî. Cinîya ey, ey dir bî. La dimayê tîryakî cuya ey serûbin bî. Kewt zîndan. Cinîya ey, ey caverda. Ganî şuxilnayîşê tîryakî lezkî bêro vindarnayîş û vernîya ci bêro padayîş. Wa dayîkî zî nê şaşî tutanê xo rê nêkerê. Ma merdimê bi rumet û şeref ê. Wa wina dewam bikero. Tutê ma seba nê şî ko. Ganî ma nê tîryakî, desteştişî mîyanê xo ra vejê.”

 

‘Ma tersenê tutan bişirawê dayîş û girewtişî’

 

Menfîye tewr peyîn wina vat: “Wextê ma de kuçeyê Amedî pak bî. Her ca weş bî. Ma zî ciwan bî. Keye yew kat bî. Tutê ma qij bî. Serê sibayî heta şan de teber de kay kerdêne. Ne ters est bî, ne zî tîryakî. Nika tersan ra berê xo abikerê. Ma nêefterenê tutan bişirawê dayîş û girewtişî. Ma nêzanê se bikerê. Ma tersenê û bermenê. Wa no tîryakî mîyanê ma ra vejîyo. Wa no tîryakî bêro çinkerdiş, her kes agêro keyeyê xo.”