MERKEZÊ XEBERAN - Komîteya Stratejî ya Hempeymanê Mîyanneteweyî yê ‘Azadî Nêrgiz’ venga komelê mîyanneteweyî kerd ke seba azadîya Nêrgiz Mihemedî helwestê xo bimojnê.

 

Komîteya Stratejî ya Hempeymanê Mîyanneteweyî yê ‘Azadî Nêrgize rê’ derheqê rewşa weşîye yê Nêrgiz Mihemedî de eşkerayîyêke vila kerd.

 

Eşkerayî wina ya: “Ma venga komelê mîyanneteweyî û Neteweyê Yewbîyaye kenê ke demêk nêzdî de seba azadîya Nêrgiz Mihemedî ke rewşa weşîye aye baş nîya, helwestê xo bimojnê. Nêweşîya zerrî ya Nêrgiz Mihemedî est a û lazimîya aye tedawî rê est a.”

 

Ercê vatişî yo ke yeno pawitiş mabêne 25-31ê êlule de 70ine kombîyayîşê pêroyî yê Neteweyê Yew pê bêro. Qerar dîyayo ke serekkomarê Îranî Mesûd Pizîşkiyan zî tewrê kombîyayîşê bibo.

 

Amerîka û Rêxistina Rojnamegerê Bêsînor (RSF) zî paştdayîşê Komîteya Stratejî ya Hempeymanê Mîyanneteweyî yê ‘Azadî Nêrgiz’ kenê.

 

Çalakîkerê heqê merdiman Nêrgiz Mihemedî ya ke zîndanê Evîne ya Îranî tepişte ya, seba têkoşînê xo yê hemverê caardişê îqtîdarê Îranî yê hemverê cinîyan û têkoşînê aye yê seba averşîyayîşê heqê merdiman, babeta 2023yîne de xelata Nobelî ya aştî girewte.