MERKEZÊ XEBERAN - Çalakîya Rayîrşîyayîşo Derg ke hetê têgêrayîşê ciwananê kurdan û ciwananê enternasyonalan ra Bîelefeldî de seba azadîya Rayberê PKKyî Abdullah Ocalanî amebî destpêkerdiş, bajarê Duisburgî de peynî bî.

 

Çalakîya Rayîrşîyayîşo Derg ke serkêşîya têgêrayîşê ciwananê kurdan û ciwananê enternasyonalan de bajarê Almanyayê Bîelefeldî de 15ê êlule de çarçewaya hemleyê "Abdullah Ocalanî rê Azadî, problemê kurdî rê çareserî" de amebî destpêkerdiş, pêwa provokasyonan zî Duisburg de peynî bî.

 

Ciwanî saetê sibayî de kuçeyê Marxloh-Pollmanî de ameyî têhet, eşkerayî dayî çapemenî û bi coşêk pîl roja peyîn de rayîrşîyayîşê xo kerdî.

 

Rayîrşîyayîş binê ablûqayê giran ê polîsan de pê ame û peynîya rayîrşîyayîşî de polîsan hêrişê çalakîkeran kerd. Gama ke polîsê Almanî hewl dayî mîyanê çalakîkeran de ciwanêk destbend bikerê, ciwanan bi sloganê, "Bijî Berxwedana Îmralî" û "Bijî Serok Apo" xelekêke merdiman ra awan kerdî. Hemverê helwestê ciwanan de polîsan peyser game eşt.

 

Wexto ke Rayîşîyayîşo Derg vernîya HBFyî yê Dûîsbûrgî de peynî bî, polîsan ancî ciwanê ke govende kerdêne, kerdî binê ablûqa. Labelê tîya zî eynî reaksîyon ame mojnayîş.

 

Hela şanî zî seba şewa keyfweşî bêro organîzekerdiş, ciwanî derbazê salone bîyî.

 

Ciwanî, do seba 32yîne Festîvala Kulturî ya Kurdan ê Mîyanneteweyî ke bajarê Frankfûrtî de bêro organîzekerdiş, vejîyê rayîr.