AMED - 3 kesê ke çarçewaya cipersayîşê derheqê qetilkerdişê Narîn Gurane de ameyî destbendkerdiş 2 ci ra ameyî veradayîş. 

 

Tuta 8 serrî Narîn Gurane 21ê tebaxe de dewa Çulîye ya qezaya Rezanî ya Amedî de vînî bîya û cenazeya aye 19 rojî dima 8ê êlule de ameye vînayîş. Çarçewaya cipersayîşê derheqê qetilkerdişê Narîne de Î. û Şeyma Kaya 15ê êlule de ameybî destbendkerdiş. 

 

Her di kesê behsê xebera bi sûcdarîya “Verê cipersayîşê vurnayî” amebî destbendkerdiş û dimayê îfadeyê dozgerî amebî veradayîş. 

 

Ame zanayîş ke îfadeyê nacnîya Narîn Gurane ya bi nameyê Hediye Guran ke 15ê êlule de amebî destbendkerdiş, hema zî dewam keno.