AMED – Şaredarîya Bajarê Girdî ya Amedî, seba 308 wendekarê ke qezaya Çinarî de seba şewatî mexdûr bîyî, destekê kirtasîye da.

 

Serekîya Daîreyê Xizmetê Komelî, bi destpêkerdişê serra perwerdeyî yê 2024-2025ine de hezaran wendekarên rê destek da. Şaredarîya Bajarê Girdî, wendekarê ke şewatê 20ê Hezîrane de wareyêk hîra yê mabêne qezaya Çinar û Şemrexê Mêrdînî de vejîyabî û netîce de 15 kesî dinyaya xo bedelnabî, nêkerd xo vîr ra.

 

Mudirîyê Şubeyê Tutan ê Serekîya Daîreyê Xizmetê Komelî, 308 çenteyê ke ci de malzemeyê mektebe est bî, wendekaranê taxa Tabînî û Herbêrî ya qezaya Çinarî de wanenê, kerd vila. 308 wendekarî vilakerdişê malzemeyê kirtasîye ra feyde girewtî.