AMED - Cipersayîşê Narîn Gurane de hûmara tepişteyan vejîya 11.

 

Cipersayîşê derheqê Narîn Gurana 8 serrî ke 21ê tebaxe de dewa Çulî ya girêdayeyê qezaya Rezanî ya Amedî de vînî bî û badê 19 rojan cenazeya aye ameye vînayîş, dewam keno. Çarçewaya cipersayîşo ke ameyo destpêkerdiş de R. Atasoyo 15 serre ke bi şertê kontrolê edlî veradîya bi, ancî ame destbendkerdiş. R. Atasoy badê îfadeyê cendermeyan, sewqê Edlîyeyê Amedî ame kerdiş, badê îfadeyê dozgerî hetê Dadgerîya Ceza ya Sulhî ya Nobedare ra tepişya.

 

Hûmara tepişteyan vejîya 11

 

Çarçewaya cipersayîşê ke seba faîlê Narîn Gurana ke ameya qetilkerdiş, hûmara tepişteyan vejîya 11. Dayîka Narîne, Yuksel Guran û kekê Narîne Enes Guran, dotmama Narîne, Bîrsen Guran, merdimê aye Muhammet Kaya, dedê aye Salîm û Fûat Guran, nacnîya aye Maşallah Guran, karker Salîm Guran; Mehmet Salîm Atasoy, mêrdeyê ema Narîne; Mehmet Şevîk Kaya û tewr peyîn R. Atasoy (15) tepişyayî.