MÊRDÎN - Meclîsê Şaredarîya Şemrexî qerar da ke nameyê parkêk qeza bikero "Parkê Cuye yê Narîne".

 

Şaredarîya Şemrexî ya bi îdarekarîya Partîya Têduştî û Demokrasî (DEM Partî) aşma êlule de kombîyayîşê xo yê asayî yê meclîsî organîze kerd. Kombîyayîş de qerar ame dayîş ke nameyê Narîn Gurana 8 serrî ya ke Amed de ameye qetilkerdiş, parkî rê bêro dayîş.

 

Meclîsî qerar da ke nameyê "Parkê Cuye yê Narîne" parkê ke nameyê ci nîno zanayîş û mîyanê şarî de bi nameyê "Bahçe Cafe" yeno naskerdiş, bêro dayîş. Qerar bi yew rayî ame girewtiş.