MERKEZÊ XEBERAN - Sîstemê îşkenceyî yê Îmraliyî bi rayîrşîyayîşêk Reqa de ame şermezarkerdiş. Rayîrşîyayîş de no mesaj ame dayîş "Ma do sîstemê îşkenceyî teşhîr bikerê."

 

Bi serkêşîya Meclîsê Kombîyayîşê Cinîyan ê Zenûbiya, seyan roniştoxê Reqayî dir hemverê sîstemê îşkenceyî ke dewleta tirkan hemverê Rayberê PKKyî Abdullah Ocalanî de kena, rayîrşîyayîşêk organîze kerd.

 

Rayîrşîyayîş de temsîlkarê Îdarekarîya Xoserîya Demokratîke ya Kantonê Reqayî û partîyê sîyasî zî amade bîyî.

 

Rayîrşîyayîş, vernîya Nêweşxaneyê Kanî yê Tutan de dest pêkerd. Rayîrşîyayîş de fotografê Rayber Abdullah Ocalanî ameyî berzkerdiş û pankartê "Bi fikrê neteweyê demokratîke ma do Komploya Mîyanneteweyî berê", "Bi îradeyê şaran ma do sîstemê Îmraliyî birijnê" û "Bi ruh û felsefeya neteweya demokratîke ma ver bi caardişê azadîya fîzîkî ya Rayber Abdullah de rayîr şinê" ameyî akerdiş.

 

Beşdarê rayîrşîyayîşî Meydanê Jina Azad de vindertî. Tîya de verfeka Meclîsê Kombîyayîşê Cinîyan ê Zenûbiya Buseyna Ebdo qisey kerd. Buseyna ard ziwan ke 25 serrî yo dewleta tirkan a îşxalkere, mîyanê bêvengîya rêxistinê mîyanneteweyî û CPTyî de sîstemê îşkence û qirkerdişî hemverê Abdullah Ocalanî de kena.