AMED - Dimayê qetilkerdişê Narîn Gurane, ame dîyarkerdiş ke waya aye Tulîne ya ke bi hawayêkê bişik dinyaya xo bedelnaye zî bê ke cenazeya aye bê otopsîkerdiş, qeydê nêweşxaneyî de sebebê merdişê aye sey "Merdişêk xozayî" ame mojnayîş.

 

Dimayê qetilkerdişê Narîn Gurana 8 serrî ke taxa Çuliye ya Rezanê Amedî de 21ê Tebaxe de vînî bî û dimayê 19 rojan cenazeya aye ameye vînayîş, na rey zî waya Narîne ya 5 serrî Tulîn Guran ke bi hawayêkê bişik 2009ine de dinyaya xo bedelnaye, merdişê aye şikin bi sebebê balkêşîye. Derheqê Tulîn Gurana ke bi hawayêkê bi şik dinyaya xo bedelnaye û cenazeya aye bêotopsî ameye definkerdiş, Serdozgerîya Komare ya Amedî derheqê merdişê aye de seba ke arşîvê nêweşxaneyî bêrê cigêrayîş, nuşte Nêweşxaneyê Tutan ê Amedî rê şirawit û qeydê derheqê merdişê Tulîne de waştî.

  

Sey mergêk xozayî ame derbazkerdiş

 

Waştişê serdozgerî ser o, goreyê qeydê ke ameyê vînayîş, ame dîyarkerdiş ke Tulîna 5 serrî seba nêweşîye bi hawayêkê xozayî dinyaya xo bedelnaye. Derheqê merdişê Tulîne de pêro qeydê nêweşxaneyî seba Serdozgerîya Komare rê bêrê şirawitiş, fermandarîya cendirmeyan rê ame şirawitiş.