WAN - Parlamentera verî ya HDPyî Tugba Hezar derheqê şîdetê camêrd-dewlete de ercnayîş kerd û dîyar kerd ke şîdetê camêrd-dewlete wazeno ke cinîyan heps bikero û wina vat: “Têkoşînê cinîya kurde Tirkîya de cesaeret dano cinîyan. Seba ke ma qalê xoverdayîşê bi merdişê xo kenê. Cinîyê kurdî destkewtişê xo bi xoverdayîşê xo, bi mergî bi dest kerdê. ”

 

Parlamentera verî ya Wanî ya Partîya Şaranê Demokratîke (HDP) Tugba Hezer derheqê şîdetê camêrd-dewlete de ercnayîş kerd.

 

‘Her cinî şîdetî dir yenê rî bi rî’

 

Tugba reaksîyon vera şîdetê camêrd-dewlete mojnaye û wina vat: “Destûrê bingehîn heta sîstemê perwerdeyî, çapemenî ra heta helwestê sîyasî û wareyê temsîlîyetî û heta keye û komelî her wareyî de xo rêxistin kerdê. Her cayê Tirkîya de cinîyan ser o her tewir şîdet, babeta vatişî ya. Perwerdeyî ra heta wareyê xebate, qanûnan de bêtêduştîyêke est o. Serê sîstemê perwerdeyî, zîhnîyetê serdest ê camêrdan yeno ferzkerdiş û no zîhnîyet serê ziwanê çapemenîye de zî tesîr kerdo.”

 

‘Leşker û polîsî cinîyan ancenê mîyanê faqe’

 

Tugba bale ant hêrişê hemverê cinîyanê kurdan ser o û wina vat: “Sere de hemverê cinîyanê kurdan, hemverê pêro cinîyan de hêrişêk est o. Ca yeno leşkerî û polîs cinîyan tacîz kenê. Ca yeno bi sozê zewac û eşqî xapênenê û ancenê faqan. Dîmenê înan ancenê û şîdetê cinsî dewam kenê yan zî fuhuş ferz kenê. Nê pêro nimûneyê ke ameyê qeydkerdişî yê. Sûcê ke leşker û polîsî kenê verê dewlete de suc nîyê. La ganî hemverê nê de têkoşînêk pîl bêro dayîş. Pawitişê cewherî ame dayîş ke xeylêk muhîm o. Wexto ke babete bena kurd î, dewlete şîdet meşrû vînena. Wazena şîdet dewam bikero, cinîyan  bipelçiqno û peyser game bido eştiş. Wazenê sînorê çîyê ke kenê bimojnê. 2015ine de sînorê ci Ekîn Wane bî. Dewlete bi Ekîn Wane mojna ke şerê ke kena, resaya sewîyeya bêexlaqî.”

 

‘Waşt cinîyan hepsê şîdetê camêrd- dewlete bikerê’

 

Tugba tewr peyîn wina vat: “Rêxitinê cinîyan hedef ameyî girewtiş. Bi tepiştiş û destbendkerdişî waştî  pasîfîze bikerê. Waştî bi nê cinîyan bêveng bikerê. Ma nika zîndanan ra biewnê, ma nê çî bi rehetî vînenê. Pêro sewîyeya temsîlkarîyê sîyasî yê kurdî, cinî zîndanan de est ê. Bi nê zî sînordar nêmendî bi KHKyan temsîlkarîya cinî hedef girewtî. Waştî sazgehan, stargehê cinîyan werte ra wedarnê. Waştî bêçare verdê û hepsê şîdetê camêrdî bikerê. Pêro îqtîdarî nameyê înan bivuryo zî têkoşînê azadîya kurdî tehluke vînayî. Bi taybetî zî paradîgmaya azadîya cinî, ekolojî û demokratîke tehluke vînayî. Paradîgma herême ra heta Îmraliyî yew a.”