MERKEZÊ XEBERAN - Endamê Rêxistina Taqîbkerdişê Heqê Merdiman ê Mîyanneteweyî (Human Rights Watch) bi raporêk qalê tedayê rejîmê Îranî yê serê şarê Îranî û Rojhilatê Kurdistanî kerd û vat: “Îqtîdarê Îranî bi desan kesî destbend kerdê û tehdîd înan rê kenê.

 

Endamê Rêxistina Taqîbkerdişê Heqê Merdiman ê Mîyanneteweyî (Human Rights Watch) Nahîd Neqşibendî derheqê tedayê rejîmê Îranî yê serê çalakîkerê Îran û Rojhelatê Kurdistanî de, raporêk vila kerd.

 

Rapor de ame vatiş ke destbendkerdişê welatijan dewam keno û bi desan kesî nika zî ameyê destbendkerdiş. Sewbîna kesê ke yenê destbendkerdiş tehdîdê dardekerdişî û tepiştişî înan rê ameyo kerdiş û binpaykerdişê heqê merdiman yê Îranî û bêvengkerdişê çalakîkeran dewam keno. Ma venga îqtîdarê edaletî yê Îranî kenê ke kesê ke ameyê destbendkerdiş vera bidê û bi edaletî bêrê dadgehkerdiş.”

 

Erjê vatişî yo ke rojê peyîn de bi rastameyîşê serrgêra şorişê ‘Jin, Jiyan, Azadî’ rejîmê Îranî dest bi qonaxêk newe yê tepiştiş û destbendkerdişî kerdo. Bi taybetî Rojhelatê Kurdistanî rojano hêzê Îranî erzeno keyeyan ser û welatijan remneno.