MERKEZÊ XEBERAN - Festîvala 2yîn ê Şehîd Berçem Efrînî, bi xelatan peynî bî.

 

Komîteyê Amadekarî yê Festîvala 2yîn ê Şehîd Berçem Efrînî, vizêr 32 komê hunerî yê 6 êlule heta roja ewro beşdarê festîvale bîyî, xelate dayî.

 

Vizêr hela nîmerojî de şaîre Xalîde Hisên û şaîre Meryem Temir, eywanê Merkezê Baqî Xido de şîîranê xo vatî.

 

Sewbîna bi nameyê ‘Kultur û hunerê cinî, edebîyatê cinîyan û rolê Rayber Abdullah Ocalanî' diyalogêk ame organîzekerdiş û hetê Mizgîn Çolaq, Şêrîn Reşîd û Botan Hoşê ra ame îdarekerdiş.

 

Wareyê Şehîd Egîd bi beşdarîyê hezaran welatijan, hunermend Munallah Xemîs û Nesrîn Botan konsertêk organîze kerd, kêlek ci zî kilam û govende hetê koma Şehîd Barîn, koma Şehîd Hêva, koma Şehîd Alaniya, koma Şehîd Delîla û koma Şehîd Nalîn ra ameyî pêşkêşkerdiş.

 

Ameyîne pawitiş ke hunermenda Tûnisî Emel Mathlouthi û hunermenda Rojhelatê Kurdistanî Şadî Xelamî roja 4ine de beşdarê festîvale bîyî, la îqtîdarê PDKyî rayîr nêda înan ke derbaz bibê. 2022yîne de Festîvala 1ine ê Şehîd Berçem Efrînî taxa Şêxmeqsûd ê Helebî de ame organîzekerdiş.

 

Şehîd Berçem Efrînî dewa Gawenda ya bajarê Raco yê kantonê Efrînî û Şehbayî ra ya û 1974ine de ameya dinya. Seba xebata keyeyî verê xo daya Heleb. Uca de têkoşînê kurdî û fikrê xelisnayîşê Kurdistanî nas kena. Bi bandorbîyîyayîşê keyeyî Berçeme 1988ine de tewrê koma Agirî ya Stranan bena û nê reyde şexsê xo hetê fikrî, sîyasî û kulturî ra aver bena. Fikrê xelisyayîşê Kurdistanî de kûr bena. Coka 1992 de tewrê têgêrayîşî bena. Şehîd Berçeme xeylêk deyîrê sey (Bêrîtana min) vat. Dimayê çend serrê vetişê deyîre şehîd bena.