AMED - Cenazeya Narîn Gurana ke taxa Çuliye ya Rezanê Amedî de qetil kerdî, ameye definkerdiş.

 

Cenazeya Narîn Gurana 8 serrî ke 21ê Tebaxe de Taxa Çuliye ya qezaya Rezanî ya Amedî de vînî bîye, vizêr serê sibayî saete 08.45ine de Çemê Îleritutmazî ke bi qasê 2 kîlometreyan dûrê taxe yo, torbeyêk de ameye vînayîş. Otopsîyê vizêr cenazeya ke hetê dozgerî ra ameye diyarkerdiş deforme ya, bi qasê 10 saetan dewam kerd. Dimayê otopsî şan de qedîya, serê sibayî cenaze ardî Taxa Bati Karakoçî û camî de nimajê cenaze ame kerdiş. 

 

Pêwa keyeyî, xeylêk temsîlkarê partîyê sîyasî û rêxistinê sivîlî, Walî û qeymeqamê Amedî, Serekê Baroyê Amedî Nahît Eren, Parlamenterê CHPyî yê Amedî Sezgîn Tanrikûlû zî beşdarê nimajê cenaze bîyî. 

 

Dimayê nimajî bi sloganan Narîne berdî Taxa Çulîye û defin kerdî. Narîne tîya bi duayan ameye definkerdiş.