Yeşîm Oruç

 

MERKEZÊ XEBERAN - Goreyê çeteleyê şîdetî yê aşma Tebaxe 31 cinî û 5 tutî ameyî qetilkerdiş, 15 cinî û 3 tutî zî bi hawayêkê şikin dinyaya xo bedelnayî.

 

Bajarê Kurdistan û Tirkîya de her ke şino şîdetê sîstematîkî yê hemverê cinî û tutan de zêde beno, seba desteserkerdişî heqê cinîyan zî hewl yeno dayîş. Cinîyê ke bi qerarê îqtîdar û hukmî yenê waştiş, heqê înan bêro binpaykerdiş û pelçiqnayîş, seba cuye û heqê xo têkoşînê xo dewam kenê.

 

Goreyê dayeyê ke ajansê ma arê da, aşma Tebaxe de 31 cinî û 5 tutî ameyî qetilkerdiş, 15 cinî û 3 tutî zî bişik dinyaya xo bedelnayî.

 

Tewr zêde cinî Stenbol de ameyî qetilkerdiş

 

Aşma Tebaxe de nê bajaran de cinî ameyî qetilkerdiş: 1 Antalya, 1 Denizlî, 2 Anqara, 1 Sêrt, 3 Konya, 1 Samsun, 2 Afyon, 2 Mersîn, 2 Stenbol, Rihayê 2, Tekirdag 1, Mugla 1, Îzmîr 2, Zonguldak 1, Giresun 1, Eskîşehîr 1, Hatay  1, Trabzon 1 û Edene de zî cinîyêke ameye qetilkerdiş.

 

Kerdox tewr nêzdî yo 

 

Berpirsîyarê qirkerdişî xeylê xo derûdor ra tewr nêzdî yê. Nê gore 6 cinî hetê camêrdê ke înan dir mîyanê têkiliyan de bî, 8 cinî hetê camêrdê ke înan dir zewicnaye yê, 1 cinî hetê tornê xo ra, 1 cinî hetê ji camêrdê ke ci ra visnaye bî, 4 cinî hetê camêrdê ke prosesê veradayîşî de bî, 3 cinî hetê camêrdê ke merdimê înan bî, 1 cinî hetê camêrdê ke visyayî, 1 cinî hetê camêrdê ke bi marayê dînî zewicnaye bî, 1 cinî hetê camêrdê ke pîyê aye bî, 4 cinî hetê camêrdê ke nasê înan ê û cinîyêke zî hetê camêrdê ke birayê aye bî, ameye qetilkerdiş.