Elfazî Toral

 

STENBOL - Cinîyan dîyar kerdî ke Çapemenîya Azade berpirsyarîyê ke bibo vengê şarê bindest û pêro komelî girewto xo ser û vatî: "Çapemenîya Azade ke bi xususî têkoşînê cinî berz kena, vengê têgêrayîşê cinî berz kena û serkêşî kena. Kedkarê Çapemenîya Azade ke bi vatişê xo adetê kurdan mojnenê, benê vengê ma."

 

Çapemenîya Azade ya Kurde wexto ke çapemenîya ke heqîqetî komelî dir ana têhet û komelî heqîqetî dir ana têhet, bi zext, tersnayîş, hêriş, destbendkerdiş û tepiştişê hikûmetî dir rî bi rî ya. Xebatkarê Çapemenîya Azade ya Kurde vengê cinî, tut û rayaumûmî ya, eynî wextî de têkoşînê komelî û têkoşînê heqîqetê komelî rayîr ra bena.

 

Cinîyan derheqê 6ê Êlule Roja Rojnamegeranê Kurdan û rol û mîsyonê Çapemenîya Azade ya Kurdan ê komelî de JINNEWSî rê qisey kerd.

 

Îdarekara Partîya Têduştî û Demokrasî (DEM Partî) ê bajarî Gîzem Kuzuk, derheqê babete de wina vat: "Seba şarî, çapemenîya kurde rolêk pîl girewta. Bi xususî zî nê serrê peyînan de. Tirkîya de sansûr vila bîyo û vengê muxalîfan yeno birnayîş. Rewşêka wina de rola Çapemenîya Kurde muhîm a. Çapemenîya azade seba neqlkerdişê agahîyê rast her cayê dinya de cayê xo gêna. Semedo ke agahîyê rast dana, bena hedef. La nêeşkenê Çapemenîya Azade bêveng bikerê. Ez roja Çapemenîya Kurde ya 6ê Êlule pîroz kena."

 

'Her tim xoverdayîşê xo dewam kerda’

 

Meclîsê Cinîyan ê DEM Partî ya Stenbolî Zulfiye Hazar zî bale ant qetilkerdişê serê rojnamegere Gulistan Tara û Hêro Bahadîn ke Silêmanîye de qetil bî û wina vat: "Çapemenîya Azade pêwa her hêrişê faşîzmî her tim xoverdayîşê xo dewam kerda. Ma do her tim mîyanê paştdayîşî de bê. Îqtîdarê faşîst tehemûl nêkeno û timî hêriş keno. Ez keyfweş a ke kedkarê Çapemenîya Azade ke adetê kurdan welatê ma de mojnenê est ê û bîyê vengê ma."

 

'Rastîyê ma neql kena'

 

Meclîsê Ciwanan ê DEM Partîye ya Stenbolî Eda Talafat, wina vat: "Polîtîkayê şerî de cayêk cidî est o. Semedo ke îqtîdar wazeno ke rastîyê şerî binimino.  Mûsa Anter ra heta Nagihane adetê çapemenîye her tim berpirsyarîyê resnayîşê rastiya şeran komelî de gêno xo ser. Ma zanê ke îqtîdar hêrişê zaf giran Çapemenîya Azade ser o kenê. Tewr peyîn embazê ma yê rojnamegerî ameyî qetilkerdiş û şehîd bîyî. Çapemenîya Azade bî ke her xoverdayîşê têkoşînê cinîyan û şarî de şima dir bî, têkoşînê ma belge kerdêne û rastiya ma neql kena. Ma serdemêk wina de yê ke ma bibê vengê têkoşînê pêro beşê bindest. Bi taybetî têkoşînê cinî, berzkerdişê vengê têgêrayîşê cinî û serkêşîya çapemenîye.”