AMED - Narîn Gurana ke qezaya Rezanî de vînî bîye, 11 rojî yo tu agahî nîna girewtiş. Derheqê vînîbîyayîşê Narîn de, dedê aye S.G. netîceya sereştişê keyeyî de ame destbendkerdiş.

 

Tuta 8 serrî ya bi nameyê Narîn Guran ke 21ê Tebaxe saete 13.00 de dewa Çulî ya qezaya Rezan ya Amedî de Qursê Qur’anî ra vejîya û a roje ra tu agahî aye ra nîna girewtiş. Xebatê seba vînayîşê Narîne ameyê destpêkerdiş roja 11ine de dewam ê. Çarçewaya cipersayîşî de dedê Narîne ke eynî wextî de keyayê dewe yê Tavşantepeyî  S.G. zî saetê sibayî ser o, sereştişê keyeyî de ame destbendkerdiş. 

 

Ame zanayîş ke karûbarê îfadegirewtişî yê S.G. hema dewam de yê.

 

Ercê vîrardişî yo ke cendirmeyan vizêrî S.G. berdibî qereqole û dimayê îfadeyî vera dabî.