Gulîstan Gulmuş

 

AMED - Hemşaredara Rezanî Leyla Ayaz da zanayîş ke derheqê lêşînîya derûdorî yê Rezanî de xebatê hîrayî kenê û vat: “No bajar yê ma hemine yo. Weşîya her kesî binê berpirsyarîya ma de ya. Ma şarê xo ra nê hîsgêrî pawenê.”

 

Şaredarîyê Partîya Têduştî û Demokrasî (DEM Partî) yê ke 5 aşmî yo wezîfeyê xo kenê, binê texrîbatê qeyûman de xizmetê xo dewam kenê. Hemşaredarî tax bi taxe, dew bi dewe, gêrenê û planê stratejîyê 5 serran şarî reyde awan kenê. Pêvînayîşê ke yenê kerdiş de waştişê seba cinî, ciwan, tutê ke yenê ziwan û na babete de yew şaredarîya ke xizmet bi lez kena şaredarîya Rezanî ya.

 

Hemşaredara Rezanî Leyla Ayaz, derheqê xebatê pakitî yê qeza de fikrê xo ard ziwan.

 

 

‘Ma xebatkarê pakitî vetî di qat’

 

Leyla dîyar kerd ke xeylêk şaredarî û şaredarîya Rezanî zî bi deynêk pîl girewtê û wina vat: “Ma bi deynêk cidî şaredarî girewt. Hema zî ma dest danê kam ci dosya deynêk newe vejîyeno werte. Pêwa nê ma xizmetê xo dewam kenê. Vernîya ke ma bêrê wezîfe zî ma sozê xizmetî da şarê xo. Pêwa pêro bê îmkanan ma xebatan kenê. Ma hema dest eşt problemê pakitî. Ma xebatkaranê pakitî vet di qatî. Îhaleyê pakitî yê verê est ê. Ma nika seba pakitî çi destê ma ra yeno ma kenê.”

 

Xebatê hişmendî

 

 

Leyla wina dewam kerd: “Bi xebatê yenê kerdiş, hişmendîya şarî reyde netîceyê başî yenê girewtiş. Xêrcê nê ma ferz kerd ke ganî ma kampanyaya hişmendî bikerê. Vernê de ma bi şaredarîya pîle û şaredarîyê 4 qezayan reyde kampanyaya hişmendî da destpêkerdiş. Ma satilê çopî dayî esnafan û ma vat, çopanê xo bikerê nê çopî. Demêk nêzdî de ma do dewamê na xebate bikerê. Ma hewl danê hişmendî awan bikerê. No bajar yê ma pêrûne yo. Weşîya merdiman berpirsîyarîya ma pêrûnan a. Ma na babete de şarê xo ra hîsgêrî wazenê.”