AMED - Narîn Gûrana 8 serrî ke qezaya Rezanî de vînî bî, pêwa cigêraşê ke dewam kenê, hema zî naêmeya vînayîş.

 

Narîn Gûrana 8 serrî ke 21ê Tebaxe de taxa Çulye ya qezaya Rezanî ya Amedî de vînî bî, pêwa pêro xebatê cigêrayîşî yê Îtfaîyeya Bajarê Pîlî ya Amedî, cendirme û AFADî hema zî nêameya vînayîş. Roja 6ine ê cigêrayîşî de vejîya werte ke terlêkê bi qasê 3 kîlometre dûrî keyeyê aye ameyo vînayîş, aîdî Narîne nîyo.

 

Xebatê cigêrayîşî dewam kenê

 

Ekîbê îtfaîyeyî yê Şaredarîya Bajarê Pîlî pêwa personelê AFADî, raşteyêk bi qasê 50 kîlometreyî mabêne taxê Çulye û Dîkmencikî de cigêrayîşê xo yê qanalê awdayîşî dewam kenê. Çarçewaya xebatê cigêrayîşî yê bi şewe û roje dewam kenê de cigêrayîşî binê awe de yenê kerdiş.

 

'Lazimî bi zêdekerdişê ekîbê cigêrayîşî est o'

 

Heto bîn ra vizêr heyetêk ke partîyê sîyasî û sivîl pê ameyîne serdayîşê keyeyê Narîne kerd. Parlamentera  DEM Partîye ya Erziromî Meral Daniş Beştaş ke dimayê serdayîşî eşkerayîyêke da û vat, "Cipersayîş nimite yo, la ganî rojê bêro de derheqê babete de eşkerayîyêke bêro dayîş. Cayêk qij ke dekewtiş û vejîyayîş dîyar o nêdîyayîşê tute, serê ma de persan verdeno. Ma nêvanê ke cigêrayîş nîno kerdiş la cigêrayîşo ke yeno kerdiş qîm nêkeno û lazimî bi zêdekerdişê ekîbê cigêrayîşî est o.”