Rozerîn Gultekîn

 

STENBOL - Cinîyê ke reaksîyon vera qetilkerdişê Rojnamegerê Cinî Gulîstan Tara û Hêro Bahadîn mojnayî, dîyar kerdî ke heqîqet bi rayîrê çapemenîya azade vejîyeno werte û vatî ke ê do hesap bipersê.

 

Reaksîyonê hemverê hêrişê dewleta tirkan ê 23ê Tebaxe ya bajarê Silêmanî yê Başûrê Kurdistanî û qetilkerdişê rojnamegere Gulîstan Tara û Hêro Bahadîn dewam kenê. Temsîlkarê partîyê sîyasî, rojnamegerî û rêxistinê cinîyan zî dîyar kerdî ke çapemenîya Azade nîna bêvengkerdiş û ê fo têkoşînê Gulîstane û Hêroye dewam bikerê. 

 

'Ma fek ci ra vera nêdanê’ 

 

Edîtora Ajansê Xeberan ê Etkînî (ETHA) Pinar Gayip wina reaksîyon mojna: “Başûrê Kurdistanî ke hêrişê îşxalkerdişî bêmabên dewam kenê û bomba serê şarê kurdî rê varnenê û rojnamegerê ke rastî neql kenê hedef kenê. Çapemenîya kurda ke serranê 90î û tepîya bî hedefê hêrişê bombayî, kiştiş, vînîkerdiş û îşkence û qetilkerdiş, hemverê hêrişan vera ke caverda, adetê xo dewam kena. Ê bêters nuştişê rastiyan dewam kenê. Seba nê sebebî çapemenîya kurde bî hedefê hêrişê dewleta tirkan û PDKyî. Ma do qelema şehîdê çapemenîya azad ke şexsê Gulîstan Tara û Hêro Bahadîn de girewtî, ma do bi her hawayî fek ci ra vera nêdê û nuştişê heqîqetî ra vera nêdê, vengê bindestan bidê eşnawitiş û serê rêça înan de bê."

 

'Ma do 7 serran ra heta 70 serreyanê xo bi rêxistin bikerê û hesab bipersê'

 

Aktîvîsta TJAyî Hanîm Kurum zî dîyar kerd ke bi serran o hemverê çapemenîya azade û bi taybetî xebatkarê çapemenîya cinî teda û zordarî yenê kerdiş, Silêmanî de bi hemkarîya PDKyî yê Tirkîya reyde 2 rojnamegeran dinyaya xo bedelnayî. Xanime vat, “Dewlete cinîyan ra tersena. Ma bi rêzdarî verê şehadetê hevalê xo bejna xo tewênenê. Ma sey cinî do têkoşînê xo dewam bikerê. Cinîyê kurdî bi rêxistin bîyî û nê çî nîşanê dinya dayî. Ma do hemverê qirkerdişanê 7 serrî heta 70 serrî xo bi rêxistin bikerê û hesab biperdê. Çapemenîya azade nîna bêvengkerdiş. Bi serran o venga aştîye yeno kerdiş û ma PDKyî reyde vanê 'Êdî nê rayîrê agêrê'. PDK do heta key xo pey dewleta tirkan ra bipawo?" 

 

'Ma nêverdê sûcê şerî bêrê nimitiş'

 

Verfeka Meclisê Cinîyan ê Stenbolî yê Partîya Têduştî û Demokrasî (DEM Partî) Aygul Sîncar, dîyar kerd ke no hêriş netîceyê zîhnîyetê monîst o û bi serran o yeno kerdiş. Aygule wina vat: “Ma destûr nêdanê ke sûcê şerî û qetlîamê sivîlî bêrê nimitiş. No reya ewilî yo. Cinî û rojnamegerê cinî do sey her serdemî nê serdemê tarî bi hêzêr vejîyê. Na cografya de cinîbîyayîş û rojnamegerîya cinî zî yena manaya verikerdişê mergî. Eke Çapemenîya Azad a Kurde bî, xebera rayaumûmî Roboskî, Kemal Kurkut, binpaykerdişê heqan, bodrumê Cizîrî, çîyê Sûrî qewimyayî, her aşme bi desan kiştişê cinîyan, desteştişî, veşnayîşê dewan, şewat, şer û pêrodayîşan nêvirazîyayîne.”