MÊRDÎN - Mêrdîn de tîmê DEDAŞî pêwa leşkeran, eştî serê bajarokê Ewîna. Bi gazê îsotî hêrişê welatijê ke reaksîyon mojnayî ame kerdiş. Gengeşîyê bajarokî dewam keno. 

 

Tîmê Şîrketê Vilakerdişê Ceyranî yê Dîcleyî (DEDAŞ), saetê serê sibayî de wesayîtê zirxî yê leşkerî reyde eştî bajarokê Ewîna yê qezaya Stewrî ya Mêrdînî ser o. Tîmê ke bi seyan leşkeran reyde şîyî bajarok, waştî ke saetê ceyranî vejê teberê keyeyî la welatijan seba dekewtişê tîmê DEDAŞî û cendermeyan asteng bikerê rayîr padayî. Nê ser de mabêne roniştoxê bajarokî û leşkeran de munaqeşe vejîya. Dima ra cendermeyan bi gazê îsotî û awa taziqîn ê TOMAyî hêrişê welatijan kerdî. 

 

Demê hêrişî de xeylêk welatijî gaz ra tesîr bîyî û dimayê ke welatijan cewab da bajarok de gengeşe virazîya. Pabebîyayîşê cenderme û tîmê DEDAŞî bajarok de dewam keno û reaksîyonê welatijanê bajarokî zî dewam keno.