Rabîa Onver

 

COLEMÊRG - Îdarekara ÎHDyî ya Colemêrgî Pinar Yilmaz da zanayîş ke Colemêrg de caardişê OHALî dewam kenê û vat: “Gever de 6 ciwanan bi sebebê GBT est o, yenê destbendkerdiş û destbendkerdiş de îşkence kenê û rayîrê Şemzînanî ser o yenê veradayîş. Nê caardişî serranê 90î anê vîrê merdimî.”

 

Colemêrg û qezayanê ci de dimayê hewldayîşê darbeya leşkerî ya 15ê Temmuze 2016ine ra dima OHAL kerdî dewre bi hawayêkê fîîlî dewam keno. Gever de 2016ine de Îdarekarîya Xoser ame îlankerdiş û xoverdayîşî ser o 8 serrî derbaz bî. Nê 8 serran de xeylêk binpaykerdişê heqan û caardişê nêbaş vejîyayî werte. Merkezê Geverî Girê Şahîn ame padayîş û qerekol ame viraştiş. Şemzînan de dimayê îdarekarîyê xoser nokteyê kontrolî ameyî zêdekerdiş. Sewbîna xeylêk nokteyê bînî yenê kontrolî her cayê Colemêrgî û qezayanê ci ameyî viraştiş.

 

Îdarekara Komeleya Heqê Merdiman (ÎHD) ya Colemêrgî Pinar Yilmaz derheqê binpaykerdişê heqan de qisey kerd.

 

Çîyê ke Gever de qewimyayî serranê 90î ardî vîr

Pinare wina vat: “Ma hema çalakîyê şemeyî de kerdoxê nêdîyar gêrenê. Bi desan kesî hema cenazeyê înan nêameyê vînayîş est ê. Gever de 6 ciwanan bi sebebê GBT est ê, yenê destbendkerdiş û destbendkerdiş de îşkence kenê û serê rayîrê Şemzînan de yenê veradayîş. Nê serranê 90î anê vîrê merdimî. Agahî nêdanê keyeyan. Keye şino emnîyet û vanê destbendkerdiş çin o. Agahîya walî û mudurê Emnîyetî çin o. La kesê înan tepişnayê, dîmenê çapemenîya komelî de dîyar ê. Ma bi eşkera wesayît û çekê înan vînayî.”

‘Ganî OHAL bêro wedaritiş’

 

Pinare wina qedêna: “Ma pawitoxê heqî êdî nê binpaykerdişê heqan qebûl nêkenê. Her roje binpaykerdişê heqan vejênê werte. Ciwanî sînor de yenê qetilkerdiş yan zî vanê kaçaxker ê û kişenê. Ciwanî yenê destbendkerdiş. Vanê îfadeyê înan est o, îşkence kenê. Na polîtîkayêke dişminî ya. Venga ma oyo ke no caardiş wurzo. No OHAL wurzo û nê ciwanî azad bê.”