RIHA - Şaredarîya Wêranşarî hemverê madeyê tîryakî û bengîtî xebata haydarbîyayîşî dayî destpêkerdiş. 

 

Şaredarîya Wêranşarî hemverê madeyê tîryakî û bengîtî xebata haydarbîyayîşî da destpêkerdiş. Çarçewaya xebate de keyeyê taxa Azadî de kombîyayîşêk organîze kerd. Hemsereka Şaredarîya Wêranşarî Bedrîye Yorgûn, Edamê Meclisê Şaredarîye, Hemsereka qeza ya Partîya Herêmê Demokratîke (DBP) Zuleyha Çalman, Pispora Xizmetê Komelî Zulfu Tûncel û xeylêk roniştoxê taxe tewrê xebate bîyî. 

 

Pisporê Xizmetê Komelî Zulfu Tûncel xebata haydarbîyayîşî tîryakî de wina vat: “Her qûncikêk kolnayê, temenê şuxilnayîşê madeyê tiryakî vejîyayo 11 serre. Goreyê cigêrayîşê ke ameyo kerdiş 4 kesê madeyê tîryakî şuxilnenê 3yê înan 18 serrî qijêr dest bi caardişê madeyan keno. Na rewşe talûkeyê ke tutî kewtê mîyan de nîşan dano. Yeno zanayîş ke caardişê tîryakî yeno asayîkerdiş, hetê kesê 60 serrî û wayîrê tornî, yeno şuxilnayîş. Xebate de çîyo balkêş ê bînî zî oyo ke keye tutanê xo yê madeyê tîryakî şuxilnenê, bi ereyî pê hesênê. No çî prosesê dermankerdişî tewr zehmet keno. Pêwa caardişê madeyê tîryakî tutî rastê dîzdî, fihûş, rotixê tîryakî û xeylêk sûcan vînenê.”