MERKEZÊ XEBERAN - Raporê ÇEDî yê madenê Licikî ke bîbî sebebê mergê 9 karkeran, ame batalkerdiş. 

 

Mûrat Kûrûmo AKPyîj wextê xo de Raporê Ercnayîşê Bandorê serê Derûdorî (ÇED) yê madenê zerdî yê bi sîyanûrî qezaya Licikê Erzînganî de da. Karkerê ke netîceyê cînayetê karî de dinyaya xo bedelnayî bi aşman nêameyî vînayîş. Goreyê xebera Arti Gerçekî Raporê ÇEDî yê madenê ke bî sebebê mergê 9 karkeran ame betalkerdiş. Rapor de ame dîyarkerdiş ke Şîrketê Anagoldî hezazê aşma sibate de rewşa hezaz û laserî baş verçim nêgirewto. 

 

Fayê dîvrîxiyî peygoş kerdê

 

Rapor de ame vatiş ke depoyê berardişan de seba perçeyê qijî tewrê hewa nêbê, cigêrayîşê lazimî nêameyê kerdiş, derheqê babete de netîceyê cigêrayîşê raporî de nêameyê bicakerdiş. Sewbîna dadgehe de nê çî ame vatiş: “Fayê erdlerzî yê Dîvrîxî verçiman nêameyê girewtiş, felaket do bêro la tedbîrê lazimî nêameyê girewtiş.”

 

Sebebê betalkerdişê ÇEDî 

 

Dewamê raporî de no çî ame vatiş: Fayê erdlerzî nêzdîyê herêma madenî yê, erdelerzê pîlî eşkenê rasterast bandor maden rê bikerê, seba herêma koyî ya, varanî benê sebebê hezazî, coka madenî seba laser, erdlerz û aşît talûkeyê pîlî hewênenê.”