ŞIRNEX - Şaredarîya Cizîrî dafikê mîlçikan ke wextê qeyûmî de vernîya awanîya şeredarî de amebî ronayîş, wedarnayî û semedo ke mîlçikî rehetî ca bibê, qefesî dayî ro. 

 

Şaredarîya Cizîrî ke weçînayîşê herêmî yê 31ê Adare de Partîya Têduştî û Demokrasî (DEM Partî) bi dest kerdebî, dafikê çûkan demê qeyûmî de seba mîlçikî ca nêbê, dabî ro û bî sebebê merdişê xeylêk mîlçikan û vera ci semedo ke mîlçikî asanî ca bibê, halînan dêsê şaredarî ser o bi ca kerdî.

 

Hemşaredarê Cizîrî Guler Yerbasan û Abdurrahim Dûrmûş yê ke dafikê mîlçikan wedarnayî wina vatî “Wexto ke ma kar kerd, ma bî şahid xeylêk mîlçikî seba nê dafikan merdî. Zîhnîyetê qeyûmî bi dişminîyê merdim û xoza, raşteyê ke heywanî halîn viraştê, werte ra wedarnayî. Nê semedî ra ma qerar da ke ma nê dafikan wedarnê û vera înan de halînan bi ca bikerê. Ewro zî ma qerarê xo ca ard.”