WAN - Polîsan eştibî keyeyê Ayfer Şahîn ser û seba îdiayê “Bi beroş-miqlik hêriş kerda”, 2 serrî û 9 aşmî cezaya zîndanî aye rê birnabî. Ayfere dimayê temamkerdişê cezaya xo tehlîye bî. 

 

14ê temmuza 2018ine de polîsan qezaya Rêya Armûşî ya Wanî de eşt serê keyeyê Ayfere. Wextê sereştişî de keye hetê polîsan ra ame derbkerdiş. Sewbîna 2 ci ra tutî, 8 kesî zî ameyî destbendkerdiş. Endamê keyeyî wextê destbendkerdişî de zî rastê îşkenceyî ameyî. Keye ra 6 kesî ameyî destbendkerdiş. Polîsê ke sereştişî de ca girewtî, bi îdiayê “Ma rê nengî çînayî, bi guldank, beroş û miqliq hêriş kerdî” gerreyê endamê keyeyî kerdî. 

 

Ayfer Şahîne, cezaya xo temam kerd û şewa bîne Zîndanê Tîpê Tyê Wanî ra ameye veradayîş. Ayfere, vernîya zîndanî de hetê keyeyê xo û îdarekarê Komeleya Paştdayîş û Keyeyê Tepişteyan û Hikûmwerdoxan  (TUHAY-DER) yê Wanî reyde ameye pêşwazîkerdiş. 

 

Kênaya Ayfere, Şehrîban Mamuk ke pêwa tuta xo ya 3 serrî kewtebî zîndan zî hema nêameya veradayîş.