Şehrîban Aslan

 

RIHA - Hayriye Îdi û kênaya aye Rukiye Îdi ke Curnê Reşî de firîngiyan arêdanê, bale ancenê serê zehmetîyê ke nê prosesî de ciwîyayî. Rukîye wina var: “Eke fabrîqa bibayîe ma hende zîyan nêdîne. La semedo ke kargehêk ma çin o, rotişî de zehmetîyê ma est ê, coka ma mecbûr ê ke erjan biroşê.”

 

Hayriye Îdi û kênaya aye Rukiye Îdi ya ke Curnê Reşî de firîngiyan arêdanê, cuya xo qal kerdî û eynî wextî de zehmetîyê karê zîyanî û hem zî ê keyeyî qal kerdî.

 

'Wextê ma yê hewnî zî çin o’

 

Rukîye Îdi ke zîyanê firîngîyan de şuxilêna wina vat: “Wexto ke karê keyeyî qedîya, na rey ma rasterast yenê raşte. Xebate raşte de dest pêkena; ma firîngiyan arêdanê, kenê selikan û selikan resnenê motore. Wexto ke ma agêrenê keye zî ma mecbûr werd amade kenê, cil û belgê karî bişûyê û tutan wayîr vejîyê, ma ewnîyenê ke beno nîmeyê şewe û  wextê ma yê hewnî zî nêmendo."

 

'Ele fabrîqa bîne ma do hende zirar nêdîne’

 

Rukîye dîyar kerd malzemeyê ramitişî vay ê la do firîngiyan erjan biroşê. Rukiye vat: “Eke Hîlwan de kargehêk estbîne, ma do berardişê xo rasterast uca teslîm bikerdêne. Eke fabrîqa bibîne ma hende zirar nêdîne. La semedo ke fabrîqa çin o, ma rotiş de zehmetî ancenê. Ma mecbûr ê ke erjan bidê."

 

'Xeyalê mi pê nêameyî'

 

 

Rukîye wina vat: “Mi heta mektebê amadeyî wend. Semedê zehmetîyê ekonomî ez nêeşkayîne biwanî. Pêro berpirsiyarîyê keyeyî kewt milê mi ser. Pîyê mi nêweş o, dayîka mi ancî wina. Seba nê şert û mercan mi nêeşkayîne biwanî, coka mi fek mektebî ra vera da û mi berpirsyarî girewt xo ser. Xeyalê min ê tewr pîl o bî ke ez bîbî doktorê tutan, la no zî pê nêame."

 

'Ma eşkenê debara xo bikerê'

 

Hayriye Îdî zî wina qal kerd: “Ne roje û ne zî şewa ma est a. Ma dewamî şuxilênê, hem keye û hem hêgayan de. Destê mi de nêweşîya sedefî est a, ganî ez nêşêrî mîyanê tozî. Xêrcê nê karî ez debara dapîra xo zî kena. Xeylêk nêweşîyê aye est ê, pêro hewcedarîyê aye vînena. Ez nêeşkena bivînî, ez nêeşkena bieşnawî û ez hewl dana ke şêrî gama ke îmkanê mi bibê. Ez tutîtî û ciwanîya xo ra şuxilêna û heta nika zî şuxilêna. Ma verê seba kar û barê xo şîne Yozgat, Tokat û xeylêk bajarê bînî yê Rojawanî, la ma fam kerd ke no çî bica nîno. Çend serrî yo ma hêgayê xo de firîngî ramitê. Xêrcê nê çîyêk ke ma bikerê çin o. La ma zirar vînenê. Ma nêeşkenê debara xo bikerê."