MERKEZÊ XEBERAN - 1ine Festîvala Kultur û Xozaya Depî do sibê dest pêbikero. Semedê beşdarbîyayîşî vengdayîş ame kerdiş. 

 

Do Şaredarîya Depî ya Xarpêtî û Komeleya Hetkarîya Komelî, Averşîyayîş û Kulturî yê Qezayanê Kîxî-Dep-Adakli-Yayladere-Yedîsû (KAYY-DER) mabêne 10-11ê Tebaxe de 1ine Festîvala Kultur û Xozaya Depî organîze bikerê. Çarçewaya festîvale de panel, semîner, rayîrşîyayîş, konser û çalakîyê tewir bi tewir bêrê organîzekerdiş. 

 

Bernameyê festvale bi nê rengî yo: 

 

10ê Tebaxe 

 

* Gerok Ma, do Kargehê Tutan organîze bikero. (10.00 -12.00)

 

* Do Dîwanê Dengbêjan bêro dayîş. (12.00-13.00)

 

* Do Eywana Konferansî ya Şaredarî de bi beşdarbîyayîşê Parlamanetera DEM Partîye Sumeyye Boz û Edîtora Kovara Jîne Rojda Yildiz panelê "Jineolojî" bêro organîzekerdiş. 

 

* Do Baxçeyê Şarî, konserî bêro organîzekerdiş. (19.00)

 

11ê Tebaxe 

 

* Do cilê herêmî bêrê nasnayîş. (10.00 -13.00)

 

* Do Eywana Konferansî ya Şaredarî de panelê "Qirkerdişê Kulturî" bêro organîzekerdiş. (13.00-15-00)

 

* Do Eywana Konferansî ya Şaredarî de serê erdlerzî de panelêk bêro organîzekerdiş. (16.00-17.00)

 

* Do Koma Hevra, Baran Bozyel, Cinîyê Kayy-Derî û Sîpan Xelat Baxçeyê Şarî de vejîyê sehne.