WAN - MKG û DFGyî 10ine serrgêra Denîz Firat de  gorê Denîze ser o aye yad kerdî û sozê hîrakerdişê têkoşînê xo dayî.

 

Denîz Firat ke 8ê Tebaxa 2014ine de netîceyê hêrişê çeteyê DAIŞî yê hemverê Wargehê Mexmûrî de dinyaya xo bedelnaye, hetê Komeleya Rojnamegerê Cinîyan a Mezopotamyaye (MKG) û Komeleya Rojnamegerê Dîcle Firatî (DFG) de 10ine serrgêra aye yad kerdî. Partîya Têduştîye û Demokrasî (DEM Partî), Îdarekarîya Qezaya Ebexî, Têgêrayîşê Cinîyanê Azadan (TJA), Komeleya Hetkarî û Paştdayîşê bi Kesê ke Merdimanê xo Dergûşê Şaristanî de vînî kerdê (MEBYA-DER), beşdarê merasîmê yadkerdişî yê serê gorê şehîdan ê qezaya Hangeyik (Xeçxatûn) bîyî. Endamê Meclîsê Dayîkê Aştîye yê Qezaya Ebexî û keyeyê Denîz Firat tewr bîyî.

 

'Ma do qelema înan erd de nêverdê'

 

Endama MKGyî Zelal Tûnç dimayê deqeyêk rêzgirtewtişî semedê kedkarê çapemenîya azade yê ke têkoşînê demokrasî de dinyaya xo bedelnayî ser o qisey kerd û ard vîr ke Denîz Firat hêrişê 8ê Tebaxa ya hemverê Wargehê Mexmûrî de cepheyê şerî de şer kerd. Zelale vatişê Denîze ê “Ez o bi kamerayê xo têkoşîn bikerî, ti şore” saetê tewr germ yê hêrîşî de ard vîr û vat, “Sey xebatkarê çapemenîya azade ma do têkoşînê hevala Denîz Firat taqîb bikerê. Ma qeleme û kamerayê înan erdo nêverdenê."