MERKEZÊ XEBERAN - Semedê rêzgirewtişê şehîd û qurbanîyê jenosîdê 3ê Tebaxa 2014ine yê Şingalî ser, temamê bajarê Iraqî de semedê deqeyêk cuye vindarya. Sewbîna bajarê Silêmanî de xeylê raywan û trafîk ame vindarnayîş û welatîjî û şofirî deqeyêk bêveng vindertî.

 

Vernîya 10 serran 3ê Tebaxa 2014ine de sey ewro, çeteyê DAIŞî Şingal de qirkerdişêk hovane kerdî û bi hezaran kesî qetil kerdî û remnayî. A roje sey Fermanê 74ine ê êzidîyan ser kewt tarîx.

 

Serekwezîrê Iraqî Mihemed Şîya Sudanî ferman da îdarekarî û fermangehê hukmatê ke waştiş roniştoxê Iraqî rê bikerê, ewro semedê rêzgirewtişê jenosîdê êzidîyan deqeyêk şîyîş û ameyîşê karê xo vindarnayî.

 

Nê ser de bajarê Silêmanî zî mîyan de xeylêk bajaran de semedê wesîleya rêzgirewtişê şehîd û qurbanîyê jenosîdê Şengalî deqeyêk rêze ameye girewtiş. Welatîjî û şofêrê Silêmanî deqeyêke bêveng vindertî.