Pakkerdişê nuşteyê îqazkerdişî yê bi kurdkî û destbendkerdişê govendan ameyê kerdiş Wan de ameyî protestokerdiş. Rêxistina Partîya Însan û Azadîye (PIA) ya Wanî Cadeyê Cûmhûriyetî eşkerayîya çapemenî organîze kerd. Temsîlkara Sereka Pêroyî ya PIAyî Menîce Rumeysa Gulmeze wina vat: “Dewleta ke bi TRT Kurdî bingehê ziwanê kurdî awan kerda, çira bi metodê teberê qanûnî nuşteyê ‘pêşî peya’ pak kena?” 

 

Menîce dewam de wina vat: “Ma pîya bipersê ‘Gelo dewlete çira provakasyonan kena?’ Eke dewlete do biba dewleta her kesêke, ganî fek hekênayîşê birînan vera bida, başkerdişê bîrînan ra mijûl biba. Eke yê ke nê provakasyonan kenê, çeteyê kewtê mîyanê dewlete de yê û eke wazenê serê nê kesan de operasyonan serê kurdan de bikerê, ganî na rewşe roşn bikerê.”