WAN - Vejîya werte ke nuşteyê bi kurdkî yê îqazî yê Wanî bi fermanê Wezaretê Karê Zerreyî ameyê tiraberdiş. Semedo ke nuşteyê bi kurdkî nêrê nuştiş, yê bi tirkî zî ameyê tiraberdiş.

 

Şaredarîya Bajarê Girdî ya Wanî seba asayîşê welatiyan, serê xeylêk cadeyan de nuşteyê îqazî yêbi kurdkî yê “Pêşî Peya” û “Hêdî” nuştibî. Tutêk 16 serre ke dimayê bi polîs û avûkatê xo reyde şêwirya, no nuşte texrîb kerd û ser de “Tirkîya tirk a, do tirk bimîna”, walîtî kewtî mîyanê liv û têgêrayîşî. Dimayê Amed, Mêrdîn/Kerboran û Êlih, Wan de zî nuşteyê bi kurdkî ameyî tiraberdiş. 

 

Vejîya werte ke nê nuşteyî serê fermana Wezaretê Karê Zerreyî ameyê tiraberdiş. Walîyê Wanî Şaredarîya Bajarê Girdî ya Wanî rê nuşteyêk şirawit û bale ant serê nuşteyê Wezaretê Karê Zerreyî yê 26ê temmuze de ameyê şirawitiş. Nuşteyî de qanûnê Mudûrîyê Pêroyî yê Rayîrî ameyo vîrardiş û ame waştiş ke nuşteyî bêrê tiraberdiş. Şaredariyan zî ci ra vatî ke do nuşteyî nêrê tiraberdiş.

 

Komê girêdayeyê Mudûrîyê Pêroyî yê Rayîrî serê fermanê walîyî qerar da ke nuşteyê bi kurdkî bêrê tiraberdiş. Komê midûrî nuşteyê bi kurdî yê “Pêşî Peya” bi boyaxê zerd padayî. Koman, pêwa nuşteyê kurdkî, eynî wextî de yê bi tirkî zî bi boyaxî padayî. Bêtehemûlîyê hemverê kurdkî, nuşteyê îqazî yê bi tirkî zî tira berdî.