WAN - Zeynep Demîr derheqê polîtîkayê bêcezaverdayîşî yê derheqê sûcanê hemverê cinîyan de qisey kerd û vat cinî êdî hukmî ra bawer nêkenê.

 

Sereka Komeleya Cinîyan a Star a Wanî avûkate Zeynep Demîr derheqê polîtîkayê bêcezaverdayîşî yê dewaya şikdarê cinîyan de qisey kerd û da zanayîş ke cinî êdî hukmî ra bawer nêkenê.

 

‘6 aşmê ewilî de 205 cinî ameyî qetilkerdiş’

 

Zeynepe da zanayîş ke şîdetê hemverê cinî de problemêk komelî yo û şîdetê serê cinî de nasnameyê, nêtêduştî pê yeno. Zeynebe wina vat: “Goreyê dayeyê Platformê Ma do Kiştişê Cinîyan Vindarnê, 6 aşmê ewilî yê serre de 205 cinî ameyê qetilkerdiş û 117 cinî zî bişik dinyaya xo bedelnayê. No problem tenê problemê cinîyan nîno vînayîş. No problem çinhesibnayîşê cinî yo zî. No netîceyê polîtîkaya bêcezaverdayîşî yo.”

 

Şikdarî yenê cezakerdiş

 

Zeynebe dîyar kerd ke dimayê feshkerdişê Peymana Stenbolî şîdetê serê cinîyan roj bi roje zêde bîyo û wina vat: “No ganî tenê dayeyan ra nîno vînayîş. No komelî eleqedar keno. Ganî çîyê ke cinî ciwîyenê sey hedîseyêke asan edlî nêro vînayîş. Ma benê şahidê muhakemekerdişê bi bêcezaverdayîşê netîce beno. Bi destê hukmî teşwîqê sûcî yeno kerdiş.”

 

‘Krîza ekonomî giran beno’

 

Zeynebe sewbîna dîyar kerd ke krîzê ekonomî yê yeno ciwîyayîş de rayîr ver bi şîdetî akeno û wina vat: “Cinî Wan de bi pratîkê bêcezaverdayîşî û eynî wextî de bi krîzê ekonomî reyde yenê rî bi rî. Feqîrî rayîr ver bi şîdetî akena. Krîzê ekonomî her ke şino giran beno. Ma sey cinî heta ke pêro destkewtişê xo bidest nêkerê do têkoşînê ma dewam bikero.”