Mîdye Miqted

 

HELEB - Bi seyan welatijê taxê Şêxmeqsûd û Eşrefiye yê bajarê Helebî, semedê yadkerdişê pakrewane Zîlane vejîyayî raşteyan, cinîyan rayîr şîyayîş de dîyar kerdî ke serê rêça pakrewane Zîlane de ewro bi hezaran Zîlane est ê û sozê berzkerdişê têkoşînî pey dewaya pakrewane Zîlane newe kerdî.

 

Binê sloganê "Bi ruhê fedayî yê şehîdê hezîrane ma do azadîya fîzîkî ya rayber Apo misoger bikerê" taxanê Şêxmeqsûd û Eşrefiye yê bajarê Helebî bi rayîrşîyayîşêk ke hetê Kongra Star ra ame organîzkerdiş  Zeynep Kinaci (Zîlan) ameye yadkerdiş.

 

Cinîyê ke tewrê rayîr ra şîyayîşî bîyî ajansê ma JINNEWSî rê qisey kerdî.

 

'Serê rêça Zîlane de şinê' 

 

Endama Meclîsê Keyeyê Şehîdan ê bajarê Helebî Remzîya Îbrahîm Salih derheqê yadkerdişî de wina qisey kerd: "Nameyê Zîlane semedê ma wayîrê bi erjî ya, semedo ke pakrewane Zîlane bi cesaretêk zaf pîl ke fikr û felsefeyê rayber Abdullah Ocalanî girewtibî û xo mîyanê dişminan de teqêna, cewab da dişminan. Ewro zî bi seyan cinî serê rêça Zîlane de rayîr ra şinê û heyfê aye wedarnenê. Pakrewane Zîlane çalakîya xo ya fedayî ke ca ard Rayber Apo ra cesaret girewte. Ma reyke bîn newe ra sozê berzkerdişê têkoşînî serê rayîrê pakrewane Zîlane newe ra kenê ke ma do fek xeta pakrewanan ra vera nêdê, heta ke ma azadîya fîzîkî ya rayberê xo misoger bikerê."

 

'Zîlane bî nimûneyê şorişê azadîya temamê cinîyan'

 

Hemsereka taxa Pakrewane Gelhat, Nehle Mistefa zî wina vat: "Ewro bi rayîrşîyayîşêk ke ma pakrewane Zîlane anê xo vîr. Zîlane ciwanêk bî la eşkayîne bi hêrs û cesaretê xo teqîyayîşêk pîl zerrîya dişminî de virazno. Bi fedayîya xo bî nimûneyê şorişê azadîya temamê cinîyan. Nameyê xo tarîxê azadîya cinî de nuşt. Ewro zî serê rêça aye de bi hezaran Zîlanî est ê. Rayberî têkoşîn semedê azadîya cinî kerd. Rayberê ma Abdullah Ocalanî serê esasê têkoşînê azadîya cinîyan de kede û têkoşîn kerd. Ma ewro xoverdayîşê şerwanê azadîya Kurdistanî silam kenê û temamê pakrewananê xo anê xo vîr.”