Elfazî Toral

 

STENBOL - Cinîyan dîyar kerdî ke pêro komel binê hêrişî de yo û vat: “Îqtîdarê AKP-MHPyî pêro hetê komelî hewl dano pratîkê qeyûmî, bikero pratîk. Nê hetî ra ganî ma hewldayîşê hemparbîyayîşê têkoşînî de bê.”

 

Semedê şaredarîya Colemêrgî ya binê îdarekarîya Partîya Têduştî û Demokrasî (DEM Partî) de reya hîrêne qeyûm ame tayînkerdiş. Dimayê qerarê qeyûmî, cinî, ciwanî, hunermendî, hêzê kede û demokrasî û her hetê komelî ra reaksîyon ame mojnayîş. Xespkerdişê îradeyî rojeva pêro kesî de yo. 

 

Cinîyan zî reaksîyonê şîdet vera qeyûman mojnayî û dîyar kerdî ke qeyûman reyde komel hedef ameyo girtewtiş û çimeyê nê zî tecrîdê zîndanan o. Cinîyan vat no metodê teslîmgirewtişê komelî yo.

 

Desteserkerdişê îradeyî

 

Endama Partîya Xelisnayîşê Newe ra Sosyalîstî (SYKP) Meryem Guneş wina vat: “Demê Osmanî ra heta nika hemverê kurdan de pratîkê desteserkerdişê îradeyî rojeve de yo. Bi taybetî dimayê darbeyê 1980ine ra tenê zîndanan de nê, serê şarî de zî metodê îşkenceyî pê yeno. Îqtîdar tehemul nêkeno. Semedê nê zî dest dano serê îradeyî. Ez zî sey kesêk ke hemverê nê têkoşîn kenê, îtîrazê polîtîkaya qeyûmî kena.”

 

‘Destkewtişê cinîyan hedef yenê girewtiş'

 

Welatija bi nameyê Naîme Tuga zî bi vatişê ‘îradeyê kurdan çin o, yeno hesibnayîş’ dest bi qiseykerdişê xo kerdî û wina dewam kerd: “Demê weçînayîşî ameyî kerdiş hemşaredaran muracatê YSKyî kerdî û tu problem nêvejîya, hemşaredarî ameyî weçînayîşî. Dimayê ameyî weçînayîş suc dayî verê înan û ameyî tepiştiş. Serê bedenê cinîyan polîtîka yena kerdiş. Ciwanan rayîr ra vejenê û kenê furyayê fuhuşî û tîryakî. Ganî lezkî nê polîtîkayan ra vera bidê. Bi nê polîtîkayan nêeşkenê kurdan çin bikerê.”

 

‘Ma do ser bi kewê’

 

Aktîvîsta Têgêrayîşê Cinîyanê Azadan (TJA) Makbule Yilmaz zî fikrê xo vat û dîyar kerd ke  hemverê tedayê AKP-MHPyî sere nêtewenê û vat: “Ma do tu wext hemverê na dewlete de sere nêtewenê. Ma cinîyan heta ewro têkoşîn kerd. Ma do tîya ra tepîya zî têkoşîn bikerê. Ma nê bêhuqûqî qebûl nêkenê. Ma polîtîkaya qeyûmî red kenê. Ça do heqê peyser bigîrê.”