WAN - Hemsereka Şaredarîya Wanî û hemserekê şaredarîyê qezayan kombîyayîşê meclisî yê hewtane qezaya Şaxî de organîze kerdî.

 

Hemsereka Şaredarîya Bajarê Pîlî ya Wanî û hemserekê şaredarîyê qezayanê Wanî û endamê meclisê şaredarîye yê cinî, qezaya Şaxî ya Wanî de kom bîyî. 14 hemserekê şaredarîyê Wanî û endamê meclisê şaredarî û Hemsereka DEM Partîye ya Wanî Gulşen Kurt beşdarê kombîyayîşî bîyî. Cinîyan ewilî qeza de serdayîşê dikandaran kerdî û problemê dikandaran û welatijan goşdarî kerdî. Dima ra zî şîyî awanîya Şaredarîya Şaxî û kombîyayîşê xo organîze kerdî. 

 

Kombîyayîş de serê probleman dr qiseykerdiş ame kerdiş û pêşnşyazîyê çareserî ameyî kerdiş. Hemşaredarî dimayê kombîyayîşî şîyî Tesîsê Pakkerdişê Awa Lêşin ê Şaxî û cigêrayîş kerdî.