ÊLIH - Qabilcewazî de tuta 17 serrî bi hawayêkê şikin dinyaya xo bedelnaye. 

 

Dewa Heldayî ya qezaya Qabilcewazî ya Êlihî de tuta 17 serrî bi hawayêkê şikin dinyaya xo bedelnaye. Dimayê ferdê keyeyî xebere şirawitî, xebatkarê weşîye ameyî dewe. Xebatkarê weşîye dîyar kerd ke tute dinyaya xo bedelnaye.

 

Cenazeya ke ame îdiakerdiş ke xo kişta, seba otopsî wedarnayî Nêweşxaneyê Perwerdeyî û Cigêrayîşî yê Êlihî. Dimayê karê otopsî, cenaze dewe de ameye definkerdiş.