MERKEZÊ XEBERAN - Seba paştdayîşê kampanyaya seba azadîya fîzîkî ya Rêayberê PKKyî Abdullah Ocalanî û çareserîya sîyasî ya meseleya kurdî ameya destpêkerdiş, Koln de pêşangeha hunerî ya "Amara" ame akerdiş.

 

Pêşangehê Amara ke 17 ressamî bi berardişê xo beşdar bîyî, bajarê Kolnî yê Almanya de ame akerdiş. Pêşangehê ke semedê paştdayîşê kampanyaya "Abdullah Ocalanî re azadî, meseleya kurdî rê çareserîya sîyasî" ame akerdiş, do heta roja yewşeme akerde bimano. Pêşangeho ke Koln de ame akerdiş de zêdebîyayîşê cinî û ressamê ciwanan bale ant.

 

Pêşangehê berardişî yê; Sinan Hezer, Aslı Filiz, Sarya Nurcan Kaya, Amele, Hogir Ar, Ribwar Parwizi, Hamit Aydin, Serdar Mutlu, Gulistan Guntekin, Murad Îpek, Viale Demir, Îlos Îlyas Elias Kirkan, Besna Acu, Berivan Îbin û Ayten Kaplan ameyî pêşkêşkerdiş. 

 

Koma Kolnî Violine Trio, çalakîye de muzîkê klasîk pêşkêş kerd. Konser eleqeyêk pîl dî û kome bi çepikan ameye pêşwazîkerdiş.