WAN - Cinîyê bazarê taxe yê taxa Xaçortî de ameyo awankerdiş mesajê sey, "Ma nêeşkenê kîloyêk goşt bigîrê", "Sebebê krîzî AKP yo" û "Ma 3-4 aşman ra reyke goşt gênê" dayî.

 

Qezaya Xaçortî ya Rêya Armûşî, bazarê taxa Surmelî de ameyo awankerdiş, cinî derheqê rewşe de ajansê ma rê qisey kerdî.

 

‘Ma nêeşkenê kîloyêk goşt berê keyeyê xo’

 

Welatijêke nêwaşt nameyê xo bido bale ante krîzî ser û wina vat: “Ma bibê yew û nê krîzî qebûl nêkerê. Mêrdeyê mi teqawît o. 10 hezar meaş gêno. Roşan nêzdî beno. Ma nêeşkenê qurban bigîrê. Ma bigîrê ma do aşmêke se bikerê? Ma nêeşkenê kîloyêk goşt bigîrê, ma do senî qurban bidê. 20 keyeyî ra yew eşkeno qurban bido, nêdo.”

 

‘Sebebê nê krîzî AKP yo’

 

Gamze da zanayîş ke seba roşanê qurbanî merdimê xo reyde mêşinêke pîya sere birnenê û wina vat “Ma nê qurbanî de tewr zêde 5-6 keyeyî rê vila kenê. Her çî vay o. Ma key keyeyî ra vejîyenê, ma  çiqas pere bigîrê zî qîm nêkeno. Ma bi çend poşetan zî yenê keye. Sebebê nê krîzî AKP yo.”

 

Cinîya bi nameyê Ziynet Can zî dîyar kerd ke seba dayîş û girewtişî ameya bazar û vat: “Ma seba fêkî û sebze ameyî. La her çî vay o. Mi tenê 150 TL da di poşetan. Ma nêeşkenê çîyêk bigîrê.”

 

Cimşîde Kahraman zî dîyar kerd keye de 6 kes ê û wina vat: “Mêrdeyê mi înşaat de xebityeno. Tutê min o astengdar est o. Meaşê ey zî birnayî. Ez seba sebze ameya bazar. La her çî vay o. Ma 3-4 aşmî ra nêeşkenê goşt bigîrê. Semedo ke vay o û ma nêeşkenê bigîrê.”

 

‘Seba di parçe çî 200 lîra’

 

Ayten Paycu zî ajansê ma rê qisey kerd û wina vat: “Ez seba sebze û fêkî ameya bazar. Mi di parçe çî girewt 200 TL şî. Aşma Remezanî ra ma goşt nêgirewto. Sebebê nê krîzî Erdogan o. Wa Homa qebûl nêkero.”