MERKEZÊ XEBERAN - Avûkatanê Buroyê Huqûqî yê Seserre seba rewşa muwekîlê xo Rayberê PKKyî Abdullah Ocalanî û 3 tepişteyê ke 39 aşmî yo xebere înan ra nîna girewtiş, muracatê Raportorê Taybetî yê Îşkenceyî yê Neteweyê Yewbîyaye kerdî û venga “çalakîya lezkî” kerdî.

 

Avûkatanê Buroyê Huqûqî yê Seserre 17ê Gulane de seba muwekîlê xo Rayberê PKKyî Abdullah Ocalanî yê Zîndanê Tîpê Fyê Asayîşê Berzî yê Îmraliyî ke tecrîdê girankerde yo û 39 aşmî yo xebere ci ra nîna girewtiş û tepişteyê bînî Omer Hayrî Konar, Hamîlî Yildirim û Veysî Aktaş yê ci reyde yê, muracatê “çalakîya lezkî” yê Raportorê Taybetî yê Îşkenceyî yê Neteweyê Yewbîyaye (NY) kerdî. Sewbîna semedo ke avûkatî bieşkê wezîfeyê xo îcra bikerê, muracatê raportorîyê taybetî yê eleqedar kerdî.

 

Belgeyê Neteweyê Yewbîyaye pêşkêşê raportorê derheqî ci de ameyî kerdiş 

 

Goreyê xebera Ajansê Mezopotamyaye (MA); avûkatan muracat de şert û mercê tepiştişê muwekîlê xo yê Îmraliyê û problemê astengkerdişê meslegê huqûqî yê çarçewaya belgeyê Neteweyê Yewbîyaye de bi hawayêkê hîra pêşkêşê raportoran kerd û dîyar kerdî ke ganî muracatî bi lezkî bêrê ercnayîş. Avûkatan bale ant serê nê çî seba zirarê ke telafîyê ci zor ê Îmraliyî de werte ra bêrê wedaritiş, waştî ke bêro ercnayîş. Avûkatan waştişê Komîteyê Heqê Merdiman ê Neteweyê Yewbîyayî ser seba tedbîrê 6ê êlula 2023ine, dîyar kerdî ke qerarê komîteyê babeta vatişî paştdayîş dano na rewşe. Huqûqnasan zî dîyar kerdî ke Tirkîya hema zî waştişê qerarî pê nêarda.

 

‘Pêşkêşîyê hempar muhîmîyêk pîl o’

 

Avûkatan muracat de da zanayîş ke muracatê avûkatan yeno astengkerdiş û waştî raportorî seba astengî vernîya avûkatan bêrê kerdiş, bikewê mîyanê hewldayîşêk hempar.

 

Dewamê muracatî de avûkatan raportorê taybetî yê derheqê NYyî de nê waştî:

 

*No serdayîş lezkî yo û ganî demêk kilm de bêro ercnayîş.

 

 *Ganî peynîya şertê muracatkeran yê incommunicado bêro ardiş û ganî waştişê seba pêvînayîşê keye û avûkatan hukmetî rê bêro neqlkerdiş.

 

 *Ganî serdayîşê Zîndanê Îmraliyî bêro kerdiş û şert û mercê cayê ci de bêrê cigêrayîş û muracatkarî bieşkê rî bi rî pêvînayîş bikerê.

 

 *Ganî muameleyê ke ci reyde rî bi rî manenê, bêrê raporkerdiş.

 

 *Ganî şertê Zîndanê Îmraliyî û muracatkarî ci reyde rî bi rî manenê bêrê taqîbkerdiş.

 

 *Ganî netîceyê dayeyê bêrê arêdayîş de eşkerayîya çapemenîye bêrê organîzekerdiş.