MERKEZÊ XEBERAN - Wareyê sîyaset, huner, komelê sivîl, huqûq û akademî zêdeyî 60 kesayetî yê Fransayî bale antî serê tecrîdkerdişê Rayberê PKKyî Abdullah Ocalanî û venga Komîteyê Vernîgirewtişê Îşkenceyî (CPT) kerdî ke lezkî şêrê Îmraliyî.

 

Senator, parlamenter, akademîsyen, avûkat, sendîkawan, nuştox, rojnameger û serekê partîyê sîyasî zî mîyan de bi mohrê 61 kesan mektubêke CPTyî rê ame şirawitiş ke şêro rewşa Rayberê PKKyî Abdullah Ocalanî cigêrayîş bikero. Sekreterê Neteweyî yê Partîya Komunîst ê Fransayî, Sekreterê Yewin ê Sosyalîstî, xeylêk parlamenter û senatorê çepgirî û derûdorpawitox zî mohra xo dayî binê mektube ro.

 

Mektube de venga CPT ame kerdiş ke seba kontrolkerdişê rewşa weşîye û pêvînayîşê bi Abdullah Ocalanî rê lezkî heyetêk bişirawo Îmraliyî û berpirsyariyê xo ca bîyaro.