Yeşîm Oruç

 

MERKEZÊ XEBERAN- Goreyê çeteleyê şîdetî yê aşma gulane 34 cinî û 8 tutî ameyî qetilkerdiş. Merdişê 18 cinî û 2 tutan zî şikin o. 

 

Bîlançoyê şîdet û qetilkerdişê cimîyan ê Kurdistan û Tirkîya her ke şino zêdeyêr beno. Şikdarî bê ceza yenê verdayîş, bi polîtîkayê hukmatî yenê pawitiş û sûcê hemverê cinîyan bi vatişê îqtîdarî meşrû yenê vînayîş. 

 

Goreyê dayeyê ajansê ma aşma gulane de 34 cinî û 8 tutî ameyî qetilkerdiş. 18 cinî û 2 tutî zî bi hawayêkê şikin dinyaya xo bedelnayî.

 

Tewr zêde Stenbol de qetil bîyî

 

Anqara de 3, Stenbol de 7, Edene de 3, Xarpêt de 1, Kîlîs de 1, Kayserî de 1, Tekîrdag de 1, Samsur de 2, Manîsa de 3, Dîlok de 1, Riha de 1, Îzmîr de 2, Aydin de 1, Çorum de 2, li Mugla de 1, Kocaelî de 1, Osmaniye de 1, Erzirom de 1, Amed de zî cinîyêke ameye qetilkerdiş.

 

Şikdarî yê tewr nêzdî yê

 

11 cinî hetê camêrdê ke înan reyde zewicnaye yê, 3 cinî hetê camêrdê ke sewîyeya veradayîşî de yê, 2 cinî hetê camêrdê ke fek yewbînan ra vera dabî, 6 cinî hetê nasanê xo ra, cinîyêke hetê pîyê xo ra, hîrê cinî hetê tutanê xo ra, yew zî hetê zamayê xo ra û cinîyêke zî hetê birayê xo ra ameye qetilkerdiş.  Şikdarê cinîyêke nêame tespîtkerdiş û 2 cinî zî nêzdîbîyayîşê şikdarî ci reyde nêame tespîtkerdiş.