Melek Avci

 

ENQERE - Hemverfeka Komîsyonê Huqûqî yê DEM Partî Sevda Çelîk Ozbîngol, bale ant serê tecrîdê giran yê Îmraliyî û vat, derheqê berpirsîyaran de waştişê caardişê qanûnî kerdê û vat: “Seba prosesê îtîrazê seba cezayê dîsîplînî pê bêrê, ganî teblîg şêro avûkatan rê û la nê bê cewab manenê. Teblîgî nînê kerdiş û îtîrazî zî bê îmkan manenê.”

 

Hemverfeka Komîsyonê Huqûqî yê Partîye Têduştî û Demokrasîyî yê Şaran (DEM Partî) Sevda Çelîk Ozbîngol û Ozturk Turkdogan, seba pêvînayîşê Abdullah Ocalanî reyde muracat kerdî. Sevda û Ozturk hewteyê vîyarte de roja îne muracatê wezaretê edaletî kerd. Sevda derheqê muracatî de qisey kerd.

 

‘Îmrali pêro kesan eleqeder keno’

 

Sevda da zanayîş ke babeta pêvînayîşê avûkatan û keyeyan ê bi Îmraliyî de binpaykerdişê cidî yê huqûqî est ê û wina vat: “Hem raporê Komîteyê Wezîran ê Konseyê Ewropayî hem yê Komîteyê Heqê Merdiman ê Neteweyê Yewbîyaye û hem zî yê CPTyî rojeva ma  û rayaumûmî yê sazgehê komelê sivîlî yê welat de yê. Ma wazenê sererastkerdişê qanûnî yê bîyaye seba tepişteyan bê ke bêro binpaykerdiş ca bêrê. No het ra Îmrali pêro kesî eleqedar keno. Binpaykerdişê huqûqî yê Îmraliyî tesîr serê pêro zîndanan de kerdo. Ma zanê ke astengîyê ewro, astengîyê asan nîyê.”

 

‘Hetê qanûnî de îstîsnayêk winasî çin o’

 

Sevda vat, hemverê prosesê tecrîdî muracat kerdê û wina vat: “Muracatê ke ma kerdê muracatê keye,  avûkatab û sazgehan o. Pabebîyayîşê ma est o. La cewabê nê muracatan huqûqî nîyo. Qerarê binpaykerdişê ke DMMEyî 18ê Adara 2014ine de dayo û hema dimayê ci ma şahidîya tecrîdê giran yê 8 serrî dewam keno, kerd. Tewr peyîn 25ê Adara 2021ine de pêvînayîşê keyeyî ame kerdiş. 7ê Tebaxa 2019ine ê pêvînayîşê avûkatan ame kerdiş. No zî tabloyî mojneno. Hetê huqûqî de îstîsnayêk wina çin o. 

 

‘Îtîraz bê îmkan yenê verdayîş’

 

Sevda wina qedêna: “Ma muracatê wezaretê edaletî kerd. Seba pêro tepişteyan yeno vatiş ke seba sebebê ke destê înan de nîyo pêvînayîş nîno kerdiş. Ma zanê ke no qanûnî nîyo. Cezayê dîsîplînî û astengkerdişê pêvînayîşan ganî semedo ke avûkatî îtîraz bikerê, teblîg bêro kerdiş. Îtîrazî bê îmkan yenê verdayîş. Muracatê peyîn de ma vatêne, derheqê kesê ke huqûq ca nêanê de caardişê qanûnî bêro destpêkerdiş. Dimayê nê ma sey hemverfekê komîsyonê huqûqî waştişê pêvînayîşî kerd. Ma nika paweyê cewabî yê. Ma do taqîbkerdoxê nê bê. Cewab nêro dayîş ma do ancî muracat bikerê. Seba peynîya nê tecrîdê giranî bêro dayîş, ma berpirsîyaran dawetê berpirsyarî kenê. Ganî sazgehê navneteweyî zî taqîbkerdoxê prosesê raporê xo bê.”